JUECES 5:2 - Dios Rimashcata Quillcashcami

² Israelcunata pushaccuna ñaupashpa rishcamantapish, quiquin munaihuan macanacuiman llucshishcamantapish ¡Mandac Diosta alli nichicyari!

JUECES 5:2 Referans Kwoze

JUECES 5:9

¡Ñucaca tucui shunguhuanmi israelcunata pushaccunata alli nini! Israelcunapuramanta mana manchashpa, macanacungapac llucshiccunatapish alli ninimi. Mandac Diosta allimari cangui ¡nichicyari!

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

2 CRÓNICAS 17:16

Chai quipaca Zicripac churi Amasiasmi ishcai patsac huaranga sinchi soldadocunata mandacurca. Paica, paipac munaimantami Mandac Diosta servisha nishca carca.

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

FILEMÓN 1:14

Chashna cashpapish can ima nishcata manarac yachashpaca, ñuca munaimantaca imata mana ruhuasha ninichu. Can ima allita ñucaman ruhuasha nishpaca, ama ñuca nishcallamanta ruhuanguichu, ashtahuanpish can munashca shina ruhuangui.

2 CORINTIOS 9:7

Mana misarishpa, mana mandashcallamanta, ashtahuanpish quiquin shunguhuan yuyarishca shinami cuna can. Cushicuihuan cuctami Diosca cuyan.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

1 CORINTIOS 9:17

Ñuca munaillamanta huillashpaca, japina cashcataca japishami, ashtahuanpish mandashcallamanta huillashpaca, mandashcallatami ruhuacuni.

SALMOS 136:15

Faraonta paipac soldadocunandi Puca Cuchapi shitac Diosta alabaichicyari. ¡Paica huiñaita llaquicmi!

SALMOS 97:8

Sionpi causaccunaca chaita uyashpami cushicurca. Judá llactapi cac pueblocunapi causaccunapish, can chashna llaquichishcamantami yallita cushicurca.

SALMOS 94:1

Mandac Dioslla, ima shina llaquichishca shinallatac llaquichic Diosmi cangui. Ima shina llaquichishca shinallatac llaquichishpa ricuchiyari.

SALMOS 48:11

Can cashcata ruhuashcamantaca Sión urcupipish, Judá llactapi causaccunapish yallitami cushicunga.

SALMOS 18:47

Paica ñucata llaquichiccunata llaquichic Diosmi. Shuctac gentecunata ñuca chaqui ucupi churacmi.

NEHEMÍAS 11:2

Quiquin munaihuan Jerusalenpi causangapac saquiriccunataca israelcunami bendiciarca.

DEUTERONOMIO 32:43

¡Llactacunalla, Dios acllashca llactata alli nichicyari! Paipac servicta huañuchiccunataca huañuchingami. Paimi, paita piñaccunata huañuchinga. Pai acllashca llactacunapac juchata pichangapacmi chashnaca ruhuanga» nirca.

DEUTERONOMIO 33:21

Gadca mandaccuna japina sumac allpatami japirca. Mandaccuna tandanacucpica, Mandac Dios mandashcacunami ruhuarca. Mandac Dios imata ruhuachun nishcataca israelcunahuanmi pactachirca» nirca.

SALMOS 103:2

Ñuca almalla, Mandac Diosta alli niyari. Tucui pai bendiciashcataca shucllatapish ama cungarichu.