JUECES 5:12 - Dios Rimashcata Quillcashcami

¹² ¡Deboralla ricchariyari! Riccharishpa sumac cantota Diosman cantaiyari. ¡Abinoampac churi Baraclla, jatarishpa canta piñaccunata prezushpa apaiyari!

JUECES 5:12 Referans Kwoze

EFESIOS 4:8

Chaimantami Dios quillcachishcapica: «Pai jahuaman rishpaca, prezu caccunata pushashpami rirca. Gentecunamanca Diosmanta ruhuac canatami curca» ninmi.

SALMOS 68:18

Mandac Dioslla, prezucunata apashpami, jahuaman rircangui. Gentecunamantapish ofrendata japircanguimi, mana cazuccunamantapish japina cashcatami japircangui. Paicunapac chaupipi mandangapacmi chashna japircangui.

SALMOS 57:8

¡Ñuca almalla, ricchariyari! ¡Arpapish, salteriopish ricchariyari! Mushuc punzhata ricuchishpami riccharisha.

2 TIMOTEO 2:26

Chashna crishpami diablo huatashpa, tucllapi shina pai munashcata ruhuachishpa causacushcamantaca, yuyarishpa llucshinga.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

1 CORINTIOS 15:34

Cancunapuramanta maijanca manarac Diosta ricsinchu. Chaimanta alli yuyaiman causaichic, ama juchata ruhuaichicchu. Caicuna pingachunmi chashnaca nini.

JEREMÍAS 31:26

Riccharishpaca ñuca muscushca sumac cashcatami ricurcani.

ISAÍAS 60:1

¡Sión llactalla, jatariyari! ¡Achicyachiyari! Canta achicyachic luzca ñami shamushca. Cambac jahuapica Mandac Diospac achic nicucmi achicyachicun.

ISAÍAS 51:17

¡Jerusalenlla, ricchariyari, ricchariyari, jatariyari! Canca Mandac Dios piñarishca junda copatami paipac maquimanta japishpa tucuringacaman ubiarcangui.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 14:2

Shuctac llactapi causaccunami paicunataca Israel llactaman pushamunga. Chashna shamucpimi, israelcunaca caricunatapish, huarmicunatapish Mandac Diospac llactapi servicta ruhuanga. Chaipimi paicunata prezuccunatapish prezunga. Paicunata utcapi llaquichiccunatapish llaquichinga.

SALMOS 108:2

¡Arpapish, salteriopish riccharichicyari! Mushuc punzhatami ricchachisha.

JUECES 5:13

Paicunapac quipataca puchushca gentecunami mandaccunahuan shamunga. Mandac Diospac soldadocunami ñucapacman jatun manchana soldadocunahuan shamurca.

SALMOS 57:9

Jatun Dioslla, tucui gentecunapac chaupipimi canta alabasha. Tucui llactacunapac chaupipimi salmocunata cantasha.