JUECES 3:20 - Dios Rimashcata Quillcashcami

²⁰ Rupai punzhacunapi llandurina ucupi mandac Eglón tiyacucpimi Aodca: —Can jatun mandacmanca Diosmanta huillanatami charini— nirca. Chashna nicpimi, Eglonca pai tiyacushcamanta jatarirca.

JUECES 3:20 Referans Kwoze

AMÓS 3:15

Shinallatac tamya punzhacunapi, usyai punzhacunapi causana huasicunatapish urmachishami. Marfilhuan ruhuashca huasicunapish tucuringami. Achca huasicunami llaquinayaita tucuringa. Chaitaca Mandac Dios ñucami nini» ninmi.

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

MIQUEAS 6:9

Judá llactapi causaccunalla, Mandac Dios llactapi causaccunata quishpichingapac cayanmi. Paipac ñaupapi cumuriccunaca yachaisapami. Mandaccunapish uyaichic.

SALMOS 29:1

Jahua pachapi causac sinchicuna Mandac Diosman cuna cashcata cuichicyari. Mandac Diostaca imatapish ruhuaclla, sumaimanami cangui nichicyari.

2 SAMUEL 24:12

«Mandac Diosca: Davidpacman rishpa: “Quimsa llaquicunatami canman acllachun cuni. Chaicunamanta maijan shucta acllai” ninmi ningui» nirca.

JUECES 3:19

Ashtahuanpish ruhuashcalla dioscuna tiyac Gilgal pueblo cuchumanta cutishpami Eglontaca: —Jatun mandaclla, canmanca shuc pacalla huillanatami charini— nirca. Shina nicpimi paica: —¡Upallai!— nirca. Chai quipami, Eglonca tucui paihuan caccunataca canzhaman llucchichun mandarca.

JUECES 3:21

Shina jataricpimi, Aodca lluqui maquihuan alli lado cinturamanta espadata llucchishpa huicsapi satirca.

NEHEMÍAS 8:5

Esdrasca tucuimanta ashtahuan jahuapi shayarishpami, chai quillcataca tucui mashna ricucucpi pascarca. Chai quillcashcata pascacpica, tucui gentecunami shayarirca.

JEREMÍAS 36:22

Chai huata callarishca iscun quillapimi jatun mandacca tamya punzhacuna causana huasipi paipac ñaupapi ninata japichishpa tiyacurca.

NÚMEROS 23:18

Chashna tapucpimi, Balaamca yuyarina rimaicunahuan huillashpaca: «Ziporpac churi Balac jatarishpa, ñuca nishcata allita uyaiyari.