JUECES 21:25 - Dios Rimashcata Quillcashcami

²⁵ Chai huatacunapica Israel llactapica mana jatun mandac tiyarcachu. Chaimantami paicunaca quiquin munashcata ruhuashpa causarcacuna.

JUECES 21:25 Referans Kwoze

DEUTERONOMIO 12:8

Chaipica, ama caipi ruhuashca shina, quiquin munashcata ruhuanguinchicchu.

JUECES 17:6

Chai punzhacunapica Israel llactapica mana jatun mandac tiyarcachu. Chaimantami gentecunaca quiquin munashcata ruhuashpa causarca.

PROVERBIOS 3:5

Mandac Diostaca tucui shunguhuan cringui. Cambac yachaipica ama shunguta churanguichu.

ECLESIASTÉS 11:9

Quipa huiñaicuna, huambrarac cashpa cushicuichic. Huambrarac cashpa cambac shungu cushicuchun saquingui. Cambac shungu munashcata, cambac ñahui ricushcata ruhuailla. Shina cacpipish, tucui chaicunata Dios taripana cashcataca yachanami cangui.

PROVERBIOS 14:12

Runamanca alli ñan shinami ricurin. Shina cashpapish, huañuiman pushac ñanmi.

JUECES 19:1

Chai huatacunapica Israel llactapica jatun mandacca mana tiyarcachu. Chai huatallapitacmi Leví aillumanta shuc runaca, Efraín urcu llactata rishpa, achcata caruyashpa pozac shina causacurca. Chai runami Judá llacta Belén pueblomanta caishuc huarmihuan causacurca.

JUECES 18:1

Chai punzhacunaca Israel llactapica jatun mandacca mana tiyarcachu. Shinallatac Dan aillupish, Israel aillupurapica paicuna causangapac allpataca manarac japircachu. Chaimantami chai punzhacunapica maipi causanata mashcacurca.

SALMOS 12:4

Chaicunaca: «Ñucanchictaca pi mana upallachingachu. Ñucanchic rimaihuanca mishashunllami. ¿Pitac ñucanchictaca mandanga?» nincunami.

JUECES 18:7

Chashna rishpami chai pichca runacunaca Lais puebloman chayarca. Chaiman chayashpami chai gentecunataca Sidón pueblopi causaccuna shina cushilla ima llaqui japinata mana manchashpa, yangalla causaccunata ricurca. Chai llactapica pi llaquichicpish, pi mana allita ruhuacpish mana tiyarcachu. Sión pueblomanta carupimi causarcacuna. Pihuan ima rimanacunatapish mana charircacunachu.

JUECES 21:24

Israelcunapish chaimantaca quiquin llactaman, quiquin aillupacman, quiquin familiacunapacmanmi cutircacuna.

ISAÍAS 53:6

Tucui ñucanchicmi chingarishca ovejacuna shina, quiquin ñanta japishpa, caita chaita rishpa, chingarishca carcanchic. Shina cacpipish, Mandac Diosca paimanmi tucui ñucanchic juchacunata apachirca.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,