JUECES 21:17 - Dios Rimashcata Quillcashcami

¹⁷ Shinallatac: «Israelcunapurapi Benjamín aillucuna ama chingarichunca chai saquirishca Benjamín aillucunallatac chai allpata japishpami alli canga.

JUECES 21:17 Referans Kwoze

NÚMEROS 36:7

Israelcunaca, paicunapac allpataca quiquin aillupurapi charichunlla. Caishuc aillupac allpataca caishuc aillucunamanca ama cuchun. Chashna ruhuacpimi, chai allpaca mana maqui maqui pasanga.

NÚMEROS 26:55

Chai allpataca suerteta ruhuashpami paicunapac ñaupa taitacunapac shuticuna ima shina cashca shinallatac chaupinacunga.

JUECES 21:16

Chaimantami chaipi tandanacushcata pushac yuyaccunaca: «Benjamín aillupurapica huarmicunaca mana tiyanchu, tucurishcami. Chai saquirishca Benjamín aillucunaman huarmicunata cungapacca ¿Imatatac ruhuashun?» nircacuna.

JUECES 21:18

Shina cacpipish, ñucanchicca ñucanchic ushicunata mana cui pudinchicchu— nirca. Israelcunaca: “¡Maijanpish Benjamín aillucunaman cazarachun ushita cucca mana alli nishcami canga!” nishcami» nishpami, Diospac shutipi ari nishca carca.