JUECES 20:34 - Dios Rimashcata Quillcashcami

³⁴ Chashnami Gabaa pueblopi causaccunahuan macanacungapac tucui israelcunata chunga huaranga runacunata acllarca. Chai macanacui yalli sinchiyacucpipish Benjamín aillucunaca ima llaquicuna paicunata japigricushcataca mana yacharcacunachu.

JUECES 20:34 Referans Kwoze

JOSUÉ 8:14

Hai pueblota jatun mandac chaita ricushpami tutamanta utca jatarishpa, chai pueblopi causaccunata pushashpa, israelcunahuan Arabá chimba pampapi macanacungapac llucshirca. Paicunaca maijan israelcuna Hai pueblo huashapi chapacucta mana yachashpami chashna llucshirca.

ISAÍAS 47:11

Cantaca cungaillami jatun llaqui japinga. Chai llaqui maimanta shamuctaca mana yachanguichu. Shinallatac chai llaquimantaca mana llucshi pudinguichu. Can mana yachashca horas shamushpami chai llaquica yallita llaquichinga.

JOB 21:13

Tucui punzhacuna cushilla causashpami huañushpapish sumacta Seolman urai rincuna.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

SAN MATEO 24:44

Runa Tucungapac shamushca ñucaca, cancuna mana yuyashca horasmi chayamusha. Chaimanta allichirishpa shuyacuichic.

ECLESIASTÉS 9:12

Ashtahuanpish runaca ima horas ima tucunata mana yachanchu. Ima shinami challuacuna mallapi japi tucun, alasyuc animalcuna linchipi japi tucun. Chashnallatacmi runacunapish mana alli punzhapi japi tucun.

PROVERBIOS 29:6

Millaita ruhuac runaca pai ruhuashca millaillapitacmi tucllapi shina urman. Ashtahuanpish cashcata ruhuac runaca cushicushpami cantan.

PROVERBIOS 4:19

Diosta mana manchaccunapac ñanca pura tuta shina, imapi mitcaricushcatapish mana yachancunachu.

JUECES 20:35

Chai macanacuita Mandac Dios ayudacpimi, chai punzhapica israelcunaca Benjamín aillucunataca ishcai chunga pichca huaranga shuc patsac espadahuan macanacunata alli yachac sinchi runacunata huañuchirca.