JUECES 20:28 - Dios Rimashcata Quillcashcami

²⁸ Chai punzha Fineasca Eliazarpac churi Aaronpac nietomi Mandac Diosta servic cura carca). Chaipimi israelcuna Mandac Diostaca: —¿Cutinllatac ñucanchic huauqui Benjamín aillucunahuan macanacugrishunchu? ¿Mana cashpaca ña saquishunllachu?— nishpa tapurca. Shina nicpimi, Mandac Diosca: —Macanacugrichiclla, cayami paicunataca cancunapac maquipi churasha— nirca.

JUECES 20:28 Referans Kwoze

JUECES 7:9

Chai tutallatacmi Mandac Dios Gedeontaca: «Jatari, madianitacuna tiyacuc carpa huasicunapi macanacungapac urai ri. Cambac maquipimi paicunataca churarcani.

JOSUÉ 24:33

Shinallatac Aaronpac churi Eleazar curapish huañurcami. Paitaca paipac churi Fineespac allpa lomapimi enterrarca. Chai allpaca Efraín urcupimi carca.

DEUTERONOMIO 18:5

Mandac Diosmi paicunatapish, paicunapac churicunatapish huiñaita paipac shutipi servichun tucui aillumanta acllarca.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

JEREMÍAS 10:23

Mandac Dioslla, causaica mana runapacchu. Pipish quiquin causaitaca mana mandai pudinchu. Chaitaca yachanimi.

2 CRÓNICAS 20:17

Cunanca mana cancunachu macanacuna canguichic, ashtahuanpish Mandac Dios ima shina ayudacta ricushpa casilla shayacunguichiclla. Judapi, Jerusalenpi causaccuna ama manchaichicchu, ama chucchuichicchu. Cayaca paicunahuan macanacungapac llucshichiclla. Mandac Diosmi cancunahuan canga” nini» nirca.

2 SAMUEL 6:3

Diospac Arcata shuc mushuc carretapi churashpami, Abinadabpac huasimanta aparca. Chai huasica loma jahuapimi carca. Chai mushuc carretataca Abinadabpac churicuna Uza, Ahiomi apacurca.

1 SAMUEL 30:8

Shina apamucpimi, Davidca Mandac Diosta tapushpaca: —¿Chai shuhuac runacunataca macangapac catishachu? ¿Catishpaca japi pudishachu?— nirca. Shina tapucpimi Mandac Diosca: —Catilla, japigringuimi. Prezu apashcacunatapish quichumunguimi— nirca.

1 SAMUEL 14:37

Shina nicpimi, Saulca Mandac Diostaca: —¿Filisteocunata llaquichishpa catishunchu? ¿Paicunataca israelcunapac maquipi churanguichu?— nishpa tapurca. Shina tapucpipish, chai punzhaca Mandac Diosca imata mana nircachu.

JUECES 1:2

Shina tapucpi, Mandac Diosca: —Judá ailluracmi llucshinga. Chai llactataca paicunapac maquipimi churani— nirca.

JOSUÉ 22:13

Israelcunaca Eleazar curapac churi Fineestami Galaad llactapi causac Rubenpac, Gadpac shinallatac Manasespac chaupi aillupacman cacharca.

JOSUÉ 7:7

Chashna cashpami Josueca: —¡Mandac Dioslla! ¿Imapactac cai gentecunataca amorreocuna tucuchichun Jordán yacuta pasachishpa, cai puebloman apamurcangui? ¡Jordán yacu chimba ladopi saquirishpachari alli canchicman carca!

JUECES 19:16

Shina cacpimi, ña chishiyanata shuc yuyac runa chagrapi trabajashpa shamucurca. Chai runaca Efraín urcu llactacunamantami carca. Gabaa llactapica Benjaminpac aillucunami causacurca. Chaimantami chai runaca Gabaa pueblopica pozashpalla causacurca.

ÉXODO 6:25

Aaronpac churi Eleazarca Futielpac ushicunamanta shuc huarmihuanmi cazararca. Chai huarmica Finees huahuatami charirca. Paicunami levitacunapac huahuacuna ima shina cashca shinallatac mandashpa causarca.

ESDRAS 7:5

Buquica Abisuapac churi, Abisuaca Fineespac churi, Fineesca Eleazarpac, Eleazarca Aaronpac churimi carca. Aaronca punta curami carca.