JUECES 2:19 - Dios Rimashcata Quillcashcami

¹⁹ Shina cacpipish, juezcuna huañucpica shucta dioscunata adorangapac rishpami paicunapac ñaupa taitacunata atishpa ashtahuan millai tucurca. Chashna mana allita ruhuanapi yacharishca cashcamantami millaita ruhuanata manatac saquirca.

JUECES 2:19 Referans Kwoze

JUECES 8:33

Gedeón huañushca quipapish israelcunaca cutinllatacmi Baal dioscunata adorashpa, huainayarcacuna. Chashnami Baal-birit diosta paicunapac dios cachun acllarca.

JUECES 4:1

Aod huañushca quipaca israelcunaca cutinllatacmi Mandac Diospac ñaupapi mana allita ruhuai callarirca.

SAN MATEO 23:32

¡Cancunapac ñaupa taitacuna ruhuai callarishcataca tucuchichicyari!

JEREMÍAS 23:17

Paicunaca ñuca rimashcata piñaccunataca: “Cancunaca cushillami causanguichic” nincunami. Shinallatac maijanpish paicunapac shungu munashcata ruhuashpa causaccunataca: “Cancunaca mana llaqui tucunguichicchu” ninmi» nirca.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

JEREMÍAS 3:17

Chai punzhacunapica Jerusalentaca ‘Mandac Dios mandashpa tiyarinami’ ningami. Tucui llactacunamantami Jerusalenman shamushpa, Mandac Diospac shutipi mañanga. Ña mana ashtahuan paicunapac shungu munashcata ruhuangachu.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.

JUECES 2:7

Israelcunaca Josué causacui punzhacunapipish, Josuepac randi yuyac taitacuna mandacui punzhacunapipish Mandac Diostaca servishpami causarca. Paicunami israelcunaman Mandac Dios jatun mancharinacunata ruhuashcata ricurca.

JOSUÉ 24:31

Israelcunaca Josué causacuc tucui huatacunami Mandac Diosta servishpa causarca. Shinallatac Josué huañushca quipapish israelcunata pushac yuyaccunapac tucui causaipimi Diosta servishpa causarca. Israelcunaca Mandac Dios tucui paicunaman imata ruhuashcatami yacharca.

GÉNESIS 6:11

Cai pachapi causaccunaca Diospac ñaupapica yalli mana alli runacunallami carca. Cai pachapica llaquichinacushpallami causarca.

DEUTERONOMIO 31:29

Ñuca huañushca quipaca huacllirishpami, ñuca mandashcacunamantapish caruyanguichic. Mandac Diospac ñaupapi cancunapac maquihuan mana allita ruhuashpa, Diosta piñachishcamantami quipa punzhacunapica llaqui japinga» nirca.

JUECES 2:18

Juezcunata churashpaca Mandac Diosca paicunahuanmi carca. Chaimantami tucui juezcuna causacui punzhapica paicunata piñaccunapac maquimanta quishpichirca. Mandac Diosca paicunata llaquichicpi, cuyaillata huacacpimi, israelcunataca quishpichirca.

JUECES 2:20

Chaimantami Mandac Dios israelcunahuan nina japiric shina piñarishpaca: «Cai gentecunaca paicunapac ñaupa taitacunaman pactachingapac ari nishcataca mana cazushcacunachu. Ñuca nishcataca mana uyasha nincunachu.

EZEQUIEL 20:30

Canca israelcunataca: “Mandac Diosca: ¿Cancunapish cancunapac taitacuna shinachu, mana allita ruhuashpa, ruhuashcalla dioscunata catishpa huainayanguichic?

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

JUECES 10:13

Shina cacpipish cancunaca ñucata saquishpami, shuctac dioscunata servinguichic. Chaimantami cutinca mana quishpichisha.

NEHEMÍAS 9:28

Ashtahuanpish ña alli causacushpaca, cutinmi cambac ñaupapi mana allita ruhuarcacuna. Chaimantami piñaccunapac maquipi churarcangui. Chashna churacpimi, paicunaca llaquichishpa, mandashpa charirca. Paicunaca cutinmi canta mañarcacuna. Jahua pachamantami uyarcangui, can llaquic cashcamantaca, cutinmi cacharichircangui.