JUECES 2:16 - Dios Rimashcata Quillcashcami

¹⁶ Shina cashpapish Mandac Diosca imatapish shuhuashpa puriccunapac maquimanta quishpichichunmi juezcunata churarca.

JUECES 2:16 Referans Kwoze

HECHOS 13:20

Chai quipaca, chuscu patsac pichca chunga huatatami, Dios ima nishcata huillac Samuel mandacui punzhacaman, alli mandaccunata churarca.

1 SAMUEL 12:11

Chaimantami Mandac Diosca cancunapac muyundipi causac cancunata piñaccunapac maquimanta quishpichichun Jerobaalta, Baracta, Jefteta shinallatac Samuelta cacharca. Chaimantami ima llaquipish mana japicpi, sumacta causarcanguichic.

NEHEMÍAS 9:27

Chaimantami paicunataca, piñaccunapac maquipi churarcangui, chaipica llaquichircacunami. Shina llaquita apacushpami, cantaca caparishpa mañarcacuna. Canca jahua pachamantami uyarcangui, yallita llaquic cashcamantami, piñaccunapac maquimanta quishpichingapac, cacharichiccunata cacharcangui.

JUECES 3:15

Chashna llaquita causacushpami israelcunaca Mandac Diosta caparishpa mañarca. Shina mañacpimi, Mandac Diosca chai llaquimanta llucchichun Benjamín aillumanta Gerapac churi imatapish lluquihuan ruhuac Aodta churarca. Paitami israelcunaca Moab llactata jatun mandac Eglonman shuc convidanata cugrichun cacharca.

JUECES 6:14

Mandac Dios paipac ñahuita ricushpa rimashpaca: —Cambac tucui fuerzahuan rishpa, israelcunata madianitacunapac maquimanta quishpichigri. ¿Manachu ñuca cantaca cachani?— nirca.

JUECES 4:5

Deboraca paipac palma yura ucupimi tiyac carca. Chai yuraca Efrainpac urcupi cac Ramá, Bet-el pueblocuna tupanacuipimi carca. Chaimanmi israelcunaca imapish llaquita allichichun ric carcacuna.

JUECES 10:1

Abimelec huañushca quipaca Isacar aillupuramanta Fuapac churi Dodopac nieto Tolami israelcunata quishpichingapac jatarirca. Paica Efrainpac urcu Samir pueblomantami carca.

RUT 1:1

Juezcuna mandacuc punzhacunapimi, Israel llactapica yallita yarcai tiyarca. Chaimantami Judá llactapi cac Belén pueblomanta shuc runaca paipac huarmindi, ishcai churicunandi Moab llactapi causangapac rirca.

JUECES 3:31

Aod huañushca quipaca Anatpac churi Samgarmi sucta patsac filisteocunata huagrata tucsina puyahuan huañuchirca. Chashnami paipish israelcunataca chai llaquimanta llucchirca.

JUECES 11:32

Jefté amonitacunahuan macanacungapac ricpica, Mandac Diosmi tucui amonitacunata paipac maquipi churarca.

1 SAMUEL 14:48

Shinallatac achca soldadocunata tandachishpami amalecitacunahuan macanacushpa atirca. Chashnami israelcunataca paicunapac ima charishcata quichuccunapac maquimanta quishpichirca.

2 SAMUEL 7:11

Ñuca acllashca israelcunata mandachun juezcunata churashca punzhamanta pachami paicunataca llaquichirca. Tucui canta piñaccunamantami samachisha. Shinallatac Mandac Dios ñucami can causana huasita ruhuasha.