JUECES 19:9 - Dios Rimashcata Quillcashcami

⁹ Shina micushpaca, caishuc huarmihuan, paipac servic-huan cutingapacmi jatarirca. Shina cutigricpimi chai huarmipac taitaca: —Riqui, punzhaca chishiyashpa tutayamucunmi. Chaimanta can cushilla canguica caipi pacariyari. Caya utca jatarishpa cambac huasiman ringuillami— nirca.

JUECES 19:9 Referans Kwoze

SAN LUCAS 24:29

Chaimantami paicunaca mana cachashun nishpa: —Ñami chishi, shinallatac tutayacun. Caillapi ñucanchic-huan saquiri— nirca. Chaimantami Jesusca paicunahuan saquirishpa, samaringapac yaicurca.

PROVERBIOS 27:1

Caya ima ruhuana cashcata ama nichu. Caya punzha ima tucuna cashcataca mana yachanguichu.

JUECES 19:6

Shina nicpimi, chaipi tiyarishpa ishcai tucushpa micurcacuna, ubiarcacuna. Shina cashpami chai huarmipac taitaca: —Cunan tuta caipi pacariyari, cushicunguimi— nirca.

JUECES 19:8

Ña pichcaniqui punzhapimi levitaca ringapac utca jatarirca. Shina cacpipish chai huarmipac taitaca: —Cuerpo sinchicuchunca asha micunata micushpa chishiyangacaman caipi saquiri— nirca. Shinami saquirishpa paicuna ishcai tucushpa micurca.

JUECES 19:10

Shina nicpipish, levitaca mana pacarisha nishpami jatarishpa rircalla. Shina rishpami Jebús nishca pueblo, Jerusalén pueblo chimba ladoman caishuc huarmihuan, parejashca ishcai burrocunahuan chayarca.

RUT 3:7

Micushpa, ubiashpaca cushillami Boozca grano montón ladoman sueñungapac rirca. Chaipi sueñucucpimi, Rutca allilla chayashpa chaquinic pulluta alzachishpa siririrca.

2 SAMUEL 13:28

Ña utcamanmi Absalonca paita serviccunataca: «Amnón vinota ubiashpa yallita cushilla tiyacucpi, ñuca señata ruhuashpa: “¡Amnonta chugrichichic!” nicpica huañuchinguichiclla. Ñucami mandani. Chaimanta ama manchashpa sinchi sinchi caichic» nishcami carca.