JUECES 18:28 - Dios Rimashcata Quillcashcami

²⁸ Lais pueblo Sidón pueblomanta carupi cacpi, shuctac pueblocunahuan mana ricsinacuc cacpimi paicunataca pi mana ayudac shamurca. Chai puebloca Bet-rehob pueblo cuchullapi tiyac pambapimi carca. Quipaca cutinllatac chai pueblota shayachishpami chaipi causai callarircacuna.

JUECES 18:28 Referans Kwoze

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

JUECES 18:7

Chashna rishpami chai pichca runacunaca Lais puebloman chayarca. Chaiman chayashpami chai gentecunataca Sidón pueblopi causaccuna shina cushilla ima llaqui japinata mana manchashpa, yangalla causaccunata ricurca. Chai llactapica pi llaquichicpish, pi mana allita ruhuacpish mana tiyarcachu. Sión pueblomanta carupimi causarcacuna. Pihuan ima rimanacunatapish mana charircacunachu.

NÚMEROS 13:21

Paicuna huichai rishpaca, Zin shitashca pambamanta Rehob llactacaman chayashpami Hamat llacta yaicunacaman chayarca.

ISAÍAS 23:12

Cutinllatac paica: «Sidón llactapi llaquichishca carihuan mana chayarishca solteracunalla, ña mana ashtahuan cushicunguichu. Quitim llactaman pasangapac jatarichicyari. Chaipipish mana samaringuichu» nirca.

ISAÍAS 23:4

Mama cucha patapi tiyac muyundita pircashca llactalla, Sidón llactalla pingaiyari. Mama cuchaca: «Ñucaca jaicapi mana sajuarina nanaita ricsinichu. Mana sajuarishcanichu. Shuc cari huahuallatapish, shuc huarmi huahuallatapish mana huiñachishcanichu» nircami.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 7:2

Paicuna ñucata japishpaca león shinami pitinacunga. Chashna ruhuacpica pipish mana misangachu.

2 SAMUEL 14:6

Canta servic ñucaca ishcai huahuacunatamari charircani. Shina cashpapish paicunaca piñanacushpami pambapi macanacushpa, pipish mana misacpi, shucca caishucta chugrichishpa huañuchishca.

JUECES 18:1

Chai punzhacunaca Israel llactapica jatun mandacca mana tiyarcachu. Shinallatac Dan aillupish, Israel aillupurapica paicuna causangapac allpataca manarac japircachu. Chaimantami chai punzhacunapica maipi causanata mashcacurca.

JOSUÉ 11:8

Israelcunapac maquipi Mandac Dios churacpimi, paicunata atishpa, Sidón jatun pueblocaman, Misrefot-maim pueblocaman inti llucshina ladopi tiyac Mizpa pugru pambacaman catishpa rircacuna. Chashnami shucllatapish mana saquishpa, tucui huañuchircacuna.

JUECES 18:29

Chai pueblotaca paicunapac taita Danta yuyarishpami Danta shutichircacuna. Shina cacpipish utcamanca Lais shutimi carca. Danca Israelpimi huacharirca.

JOSUÉ 19:28

Shinallatac Hebrón, Rehob, Hamón, Caná pueblocunata rishpa, jatun pueblo Sidoncamanmi carca.

2 SAMUEL 24:6

Quipataca Galaad llactaman, Hodsi llactamanmi rirca. Chaimantaca Danjaán puebloman, Sidón muyundi llactacunamanmi rirca.