JUECES 17:12 - Dios Rimashcata Quillcashcami

¹² Micaiasca paipac cura cachunmi churarca. Chai mosoca cura tucushpami Micaiaspac huasipi causarca.

JUECES 17:12 Referans Kwoze

JUECES 18:30

Chai pueblopimi Danpac aillucunaca alli ningapac caspita llacllashpa diosta ruhuarcacuna. Paicunapac cura cachunca Moisespac churi Gersón runapac churi Jonatantami cura cachun churarca. Chashnami paipish, paipac churicunapish Danpac aillucunamantaca israelcunata prezu apai punzhacunacaman cura carca.

1 REYES 12:31

Shinallatac Jeroboamca dioscunapac huasicunata lomacunapi ruhuashpami, manapish levitapura cac gentecunata curacuna cachun churarca.

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

NÚMEROS 18:1

Mandac Diosca Aarontaca: «Ñucapaclla chicanyachishca ucuman cuchuyashpa juchallishcamantaca canpish, cambac churicunapish, cambac huasi ucupuracunapish juchayucmi tucunguichic. Cutin curacuna mana allita ruhuashcamantaca canpish, cambac churicunapish juchanchishcami canguichic.

JUECES 17:11

Shinami levitaca chaipi causangapac ari nishpa Micaiaspac quiquin churi shina causarca.

JUECES 17:13

Chaimantami Micaiasca: —¡Levitami ñucapac cura cangapac shamushca, cunanca Mandac Diosca ñucataca imapipish allimi pushanga!— nirca.

JUECES 18:4

Shina tapucpi paica: —Micaiasca allicunata parlanacushpami cura cachun caipi saquichirca— nirca.