JUECES 16:30 - Dios Rimashcata Quillcashcami

³⁰ Sansonca: —Filisteocunahuanmi huañugrini— nirca. Shina nishpami chai jatun huasita sinchita tangashpaca pushaccunapac tucui gentecunapac jahuapi urmachirca. Chai shina urmachishpami Sansonca paipac tucui causaipi huañuchishcata yalli huañuchirca.

JUECES 16:30 Referans Kwoze

FILIPENSES 2:8

Chashna aichayuc cashpapish Diosta cazuc cashcamantami, paillatac cruzpi chacatarishpa llaquita huañuchichunpish, mana misarishpa saquirca.

SAN MATEO 16:25

Maijanpish quiquin causaita llaquicca chingaringami, ashtahuanpish ñucata caticushcamanta quiquin causaita mana llaquicca causangami.

1 TESALONICENSES 5:2

Cancunallatac Apunchic Jesús shuc shuhuac tuta shamuc shina, mana yuyashca horas cutimuna cashcataca, alli yachanguichicmi.

COLOSENSES 2:15

Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

FILIPENSES 2:30

Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

FILIPENSES 2:17

Cancuna crishpaca, Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

ECLESIASTÉS 9:12

Ashtahuanpish runaca ima horas ima tucunata mana yachanchu. Ima shinami challuacuna mallapi japi tucun, alasyuc animalcuna linchipi japi tucun. Chashnallatacmi runacunapish mana alli punzhapi japi tucun.

SALMOS 62:3

¿Ima horascamantac sapalla runataca tuñic shina, mana cashpaca pircata urmachic shina, tucuchingapac tandanacushpa yuyaricunguichic?

JOB 31:3

¿Diosta mana manchaccunamanpish juchata ruhuaccunamanpish manachu llaquicunaca tiyanga?

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

JUECES 15:15

Sansonca cunanlla huañushca burro jazhata tarishpami huaranga filisteocunata huañuchirca.

JUECES 15:8

Shina nishpami filisteocunataca yallita piñarishpa achcata huañuchishpa Etam jatun quingraipi tiyac machaipi causagrirca.

JUECES 14:19

Mandac Diospac Espíritu paipacman shamucpimi, Sansonca Ascalón puebloman urai rishpa, quimsa chunga filisteocunata huañuchishpa paicuna charishcata quichushpa, bodapi churanata imashi imashita huillaccunaman curca. Quipaca yallita piñarishpami paipac taitapac huasiman cutirca.

JUECES 16:29

Shina mañashpaca chai jatun huasita charicuc ishcai pilarcunapi, alli maquihuanca shuc lado pilarpi lluqui maquihuanca caishuc lado pilarpi taunallishpami,

JUECES 16:31

Chashna paipish huañucpimi huauquicunapish, paipac taitapac huasi ucupurapish shamushpa aparcacuna. Shina apashpaca Zora pueblo, Estaol pueblo chaupipi paipac taita Manoata enterrashca ladollapitacmi enterrarcacuna. Sansonca ishcai chunga huatatami israelcunata mandarca.