JUECES 16:18 - Dios Rimashcata Quillcashcami

¹⁸ Sansón mana llullashpa tucui shungumanta huillashcata yachashpami, Dalilaca filisteocunata pushaccunata cayachun cachashpaca: «Pai ima shina yalli fuerzata charishcata, shungupi pacashcataca yachanimi» nichun cacharca. Chashna cayacpimi filisteocunaca cullquita apashpa chai huarmipacman rirca.

JUECES 16:18 Referans Kwoze

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

SAN MATEO 26:15

«Jesusta cancunaman cucpica, ¿imatatac ninguichic?» nirca. Chashna nicpimi, chai curacunaca quimsa chunga cullquita curca.

JUECES 16:5

Chai huarmipacman filisteocunata pushaccuna rishpaca: —Sansontaca ima shinapish inquitashpa, ima shina yalli fuerzata charishcata, ima shina paita mishanata tapui. Chaita yachashpami, paitaca alli huatashpa mandashpa charichun. Canmanca ñucanchicca cada shucmi huaranga shuc patsac cullquita cushun— nircacuna.

EFESIOS 5:5

Maijanpish huainayashpa, ima mapatapish ruhuashpa, shinallatac ruhuashcalla diosta alli nic shinallatac imatapish ashtahuan charina yuyailla causaccunaca, Jesucristopish, Diospish mandacucpica imata mana charingacunachu. Chaitaca yachanami canguichic.

PROVERBIOS 18:8

Huashalla parlacpac shimica mishquilla micui shinami, ucu shungucaman chayan.

SALMOS 62:9

Alli yuyaricpica, yangalla runapish, alli nishca runapish yangallami. Paicunata balanzapi pezacpica huaira shinallami.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

NÚMEROS 22:7

Shina nicpica, Moab llactata, Madián llactata pushac yuyaccunaca pai maldiciashcamanta pagana cullquita apashpami rirca. Paicuna Balaampacman chayashpaca, Balac imata nishcatami huillarca.

JUECES 16:17

Chaimantami Sansonca ima shina yalli fuerzata charishcata huillashpaca: —Ñucaca, mamapac huicsamanta pachami Diospaclla chicanyachishca nazareo cani. Chaimanta ñuca acchataca jaicapi navajahuan mana pitircanichu. Ñuca uma acchata pitichishpaca irquiyashpa fuerzata chingachishpami shuctac runacuna shina casha— nirca.

JUECES 16:19

Dalilaca Sansonta changapi sueñuchishpami shuc runata cayashpa chai canchis accha jimbata pitichirca. Shina piticpi, Sansón fuerza illac tucucpimi, paitaca llaquichi callarirca.