JUECES 14:6 - Dios Rimashcata Quillcashcami

⁶ Mandac Diospac Espíritu Sansonpacman shamucpimi, shuc malta chivota huañuchic shina maquillahuan pitinacurca. Shina ruhuashcataca paipac taita mamamanca mana parlarcachu.

JUECES 14:6 Referans Kwoze

JUECES 3:10

Otonielca Mandac Diospac Espíritu japicpimi, israelcunapac juez tucushpa macanacungapac llucshirca. Mandac Diosca Siria llactata jatun mandac Cusan-risataimta paipac maquipi churacpimi, Cusan-risataimtaca atirca.

1 SAMUEL 11:6

Shina nishcata Saúl uyacpimi, Diospac Espirituca Saulpacman shamurca. Shina shamucpimi, paica nina japiric shina yallita piñarirca.

JUECES 13:25

Zora pueblohuan, Estaol pueblohuan tupanacuipi cac Danpac carpa huasipimi Sansontaca Diospac Espíritu japirca.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

SAN MATEO 11:29

Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

ISAÍAS 42:2

Paica mana caparingachu, mana sinchita rimangachu. Ñancunapipish pai rimashcaca mana uyaringachu.

1 SAMUEL 17:46

Cunan Mandac Dios canta ñuca maquipi churacpimi, canta atishpa, cambac umata pitisha. Cunanmi cambac aichatapish, filisteo soldadocunapac aichatapish jahuata volac animalcunaman, sacha animalcunaman carasha. Chashna ruhuacpimi, tucui cai pachapi causaccunaca israelcunapac Dios tiyashcata yachangacuna.

JUECES 16:30

Sansonca: —Filisteocunahuanmi huañugrini— nirca. Shina nishpami chai jatun huasita sinchita tangashpaca pushaccunapac tucui gentecunapac jahuapi urmachirca. Chai shina urmachishpami Sansonca paipac tucui causaipi huañuchishcata yalli huañuchirca.

JUECES 15:15

Sansonca cunanlla huañushca burro jazhata tarishpami huaranga filisteocunata huañuchirca.

JUECES 15:8

Shina nishpami filisteocunataca yallita piñarishpa achcata huañuchishpa Etam jatun quingraipi tiyac machaipi causagrirca.

JUECES 11:29

Mandac Diospac Espíritu japicpimi, Jefteca Galaad llactata, Manasés llactata rishpa, Galaad llactapi cac Mizpa pueblopi chayashpa, chaimantaca amonitacunahuan macanacugrirca.

HEBREOS 11:33

Crishcamantami paicunaca jatun mandaccunahuan macanacushpa mishashpa, cashcata ruhuarcacuna. Dios cushami nishcacunatapish japircami. Leoncunapac shimicunatapish huichcarcami.

JUECES 14:5

Sansonca paipac taita mamandimi Timnat puebloman urai rirca. Paicuna chai pueblo cuchupi tiyac uvas chagraman chayagricucpica, maltón leonmi piñarishpa shamushpa micugrirca.

JUECES 14:7

Shinami puebloman yaicushpa Sansón munashca solterahuan parlarca.

1 SAMUEL 10:6

Shina tupashpaca Mandac Diospac Espíritu jatun poderhuan cambacman shamucpimi, canpish paicuna shinallatac huillangui. Shinallatac shuctac runami tucungui.

SALMOS 91:13

Leonpac, culebrapac jahuatami puringui. Maltón leontapish, huañuchic culebratapish sarunguimi.

JUECES 14:19

Mandac Diospac Espíritu paipacman shamucpimi, Sansonca Ascalón puebloman urai rishpa, quimsa chunga filisteocunata huañuchishpa paicuna charishcata quichushpa, bodapi churanata imashi imashita huillaccunaman curca. Quipaca yallita piñarishpami paipac taitapac huasiman cutirca.

1 SAMUEL 10:16

Shina nicpimi, Saulca paipac tiotaca: —Burrocunaca taririshca nishpami huillarca— nirca. Shina huillashpapish pai jatun mandac tucuna cashcata Samuel huillashcataca imata mana huillarcachu.

1 SAMUEL 14:1

Shuc punzhami Saulpac churi Jonatanca escudota apac runataca: —Chimbapi cuidacuc filisteocunahuan macanacungapac pasashun— nirca. Shina rishpapish paipac taita Saulman mana huillashpami rirca.