JUECES 14:18 - Dios Rimashcata Quillcashcami

¹⁸ Chai canchis punzha manarac inti tigracpimi, chai pueblo gentecunaca: —¿Bunga mishquita atishpa ashtahuan mishquica tiyangachu? ¿Leonta atishpa ashtahuan sinchica tiyangachu?— nirca. Shina nicpimi Sansonca: —Ñuca vaquillahuan mana yapushpaca, cai imashi imashi imata nisha nicushcata manatac huillanguichicmanchu carca— nirca.

JUECES 14:18 Referans Kwoze

JUECES 14:17

Shinami Sansonpac huarmica chai canchis punzha fiestacunapi huacacurcalla. Shina huacacucllapimi canchis punzhapica imata nisha nicushcataca huillarca. Chashna huillacpimi, huarmica chai pueblopi causaccunaman huillarca.

JUECES 14:19

Mandac Diospac Espíritu paipacman shamucpimi, Sansonca Ascalón puebloman urai rishpa, quimsa chunga filisteocunata huañuchishpa paicuna charishcata quichushpa, bodapi churanata imashi imashita huillaccunaman curca. Quipaca yallita piñarishpami paipac taitapac huasiman cutirca.

2 SAMUEL 1:23

Saulpish, Jonatanpish yallitami cuyanacuccuna carca. Causaipipish, huañuipipish manatac chicanyarircacunachu. Paicunaca aguilatapish yalli callpaccunami carca. Leontapish yalli sinchicunami carca.

PROVERBIOS 30:30

Tucui animalpurapica leonmi ashtahuan sinchi. Paica imata ricushpapish mana huashaiman cutinchu.

SALMOS 81:16

Diosca ashtahuan alli trigotapish, rumipi tiyac bunga mishquitapish mana nictami caranman carca.

EZEQUIEL 1:10

Paicunapac ñahuicunaca cashnami carca: Ñaupa ladomanca gentepac ñahui shina, alli ladomanca leonpac ñahui shina, lluqui ladomanca huagrapac ñahui shina, huasha ladomanca aguilapac ñahui shinami carca.