JUECES 13:7 - Dios Rimashcata Quillcashcami

⁷ Shina cashpapish paica: “Riqui, canca huicsayuc tucushpami shuc cari huahuata charigringui. Chaimanta cunanca ima vinotapish, ima machana yacutapish ama ubianguichu. Shinallatac ima mapayachic micunatapish ama micunguichu. Chai huahuaca mamapac huicsamanta pachami huañungacaman nazareo canga” nircami» nirca.

JUECES 13:7 Referans Kwoze

JUECES 13:4

Chaimanta cunanca ima machana yacutapish, vinotapish ama ubianguichu. Shinallatac ima mapayachic micunata ama micunguichu.

NÚMEROS 6:2

«Israelcunamanta cari cashpa, huarmi cashpapish nazareo tucushpa, ñucapaclla chicanyachishca cashpaca,

JUECES 13:6

Shina nicta uyashpami chai huarmi cusapacman rishpaca: «Diosmantami shuc runa ñucapacman shamurca. Pai Diospac ángel shina cacpimi manchashpa maimanta cashcatapish mana tapurcani. Paipish shutitaca mana huillarcachu.

JUECES 13:8

Chaimanta Manoa Mandac Diosta mañashpaca: «Ñuca Mandaclla, sarun cachashca cambac runata, chai huacharigricuc ñucanchic huahuata ima shina huiñachinata huillachun cutin cachaiyari» nirca.

JEREMÍAS 35:6

Shina nicpimi paicunaca: «Ñucanchicca vinotaca mana ubiashunchu. Chaica, Ricabpac churi ñucanchic ñaupa taita Jonadab ñucanchicta mandashpaca: “Cancunapish, cancunapac huahua huahuacunapish jaicapi ama vinota ubianguichicchu.

AMÓS 2:11

Ñucami cancunapac churicunapuramanta ñuca ima nishcata huillacta, cutin cancunapac quipa huiñaimantaca nazareo runacuna cachun acllarcani. Israelcunalla, ¿manachu caica chashna?