JUECES 12:15 - Dios Rimashcata Quillcashcami

¹⁵ Piratón pueblomanta Hilelpac churi Abdón huañucpica, Piratón pueblollapitacmi enterrarca. Chai puebloca Efrainpac llacta Amalecpac urcupimi carca.

JUECES 12:15 Referans Kwoze

JUECES 5:14

Efraín aillucunamanta amalecitacunahuan causac maijan macanacuc runacunami shamurca. Quipataca can Benjaminmi cambac macanacuc runacunahuan shamurcangui. Maquirmantaca mandaccunami shamurca. Zabulón aillumantaca mandana varata chariccunami urai shamurca.

2 SAMUEL 23:30

Piratón pueblomanta Benaiaspish, yacu tucyacuc Gaasmanta Hidaipish,

1 SAMUEL 15:7

Saulca amalecitacunataca Havila llactamantaca Shur llactacamanmi huañuchirca. Shur llactaca Egiptomanta inti llucshic ladomanmi carca.

JUECES 3:27

Aod chaiman yaicushpaca Efrainpac urcupimi cornetapi tocarca. Chashna tocacpimi, israelcunaca Aodhuan urcumanta urai shamurca. Paica israelcunata ñaupashpami shamurca.

JUECES 3:13

Chai mandacca amonitacunata, amalecitacunata tandachishpami israelcunataca huañuchirca. Chashna atishpami, palmacuna tiyac pamba pueblotaca tucui japirca.

ÉXODO 17:8

Refidim pambapimi amalecitacunaca israelcunahuan macanacungapac shamurca.

GÉNESIS 14:7

Paicunaca En-mispat nishca Cades llactamanmi catirca. Chashna cutishpami, amalecitacuna causana llactatapish, Hazezon-tamarpi causac amorreocunatapish tucuchirca.

JUECES 12:13

Chai quipaca Piratón pueblomanta Hilelpac churi Abdonmi israelcunapac mandac carca.

JUECES 12:14

Paica chuscu chunga churita, quimsa chunga nietotami charirca. Paicunaca canchis chunga burrocunatami montangapac charirca. Paica pusac huatatami israelcunapac juez carca.

JUECES 13:1

Israelcunaca cutinllatac Mandac Diospac ñaupapi mana allita ruhuai callaricpimi, Mandac Diosca chuscu chunga huatata filisteocunapac maquipi churarca.