JUECES 11:35 - Dios Rimashcata Quillcashcami

³⁵ Chaita ricushpami Jefteca llaquirishpa paipac churanata lliquirishpaca: —¡Aij, ñuca huahualla! ¡Canmantami ñucamanca llaqui shamushca! Ñuca shimihuanmi Mandac Diosman cushami nircani. Chaitaca pactachinatacmi cani— nirca.

JUECES 11:35 Referans Kwoze

SALMOS 15:4

Shinallatac mana allita ruhuaccunata piñaccuna, Mandac Diosta cazuccunata alli niccuna, quipata llaquihuan cangapacpish, ari nishcata pactachiccuna,

JOB 1:20

Chaicunata uyashpami, Jobca jatarishpa paipac jahualla churanata lliquirishpa, uma acchatapish pitishpa pambacaman cumurishpa Diosta alli nirca.

2 SAMUEL 18:33

Shina nicta jatun mandac uyashpaca yallita mancharishpami, chai puebloman yaicuna pungu jahua ucuman munai huacashpa rirca. Pai huacashpaca: «¡Ñuca huahua Absalonlla! ¡Ñuca huahua Absalonlla! ¡Can huañunapac randica ñuca huañushpachari alli caiman carcani! ¡Ñuca huahua Absalonlla, ñuca huahualla!» nishpami huacarca.

HECHOS 23:14

Paicuna Israel curacunata mandac curacunapacman, pushac yuyaccunapacman rishpaca: —Ñucanchicca Pablota huañuchingacaman, imata mana micungapacmi ari ninacurcanchic. Mana chaita pactachicpica, Dios ñucanchicta llaquichichunmi yuyarinacurcanchic.

2 SAMUEL 3:31

Chaimantami Davidca Joabtapish, tucui paihuan caccunatapish mandashpaca: —¡Churanacunata lliquirishpa, sharpa churanacunata churarishpa Abner huañuchishcamanta llaquirichic!— nirca. Jatun mandac Davidca huañushcata huandushpa ricuccunapac huashallatami rirca.

NÚMEROS 14:6

Chaipica chai llactata ricungapac ricpuramanta Nunpac churi Josuepish, Jefonepac churi Calebpish llaquirishpami churanata lliquirishpa,

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

SALMOS 66:13

Cambac huasimanca canman cushpa tucui rupachina animalhuanmi yaicusha. Canman cusha nishcataca cushatacmi.

SALMOS 66:14

Chashnami llaquihuan cashpa, ñuca shimihuan cusha nishcataca pactachisha.