JUECES 11:24 - Dios Rimashcata Quillcashcami

²⁴ ¿Canca manachu cambac Quemos dios cushcataca, cambac cashcata yuyangui? Shinallatac ñucanchicpish ñucanchicta Mandac Dios ñucanchic ñaupapi quichushpa cushcataca ñucanchicpac cashcatami yuyanchic.

JUECES 11:24 Referans Kwoze

NÚMEROS 21:29

¡Aij, Moab llactalla! Quemos diosta adoraccunaca tucurishcami. Paipac churicunaca miticushpami callparca. Paipac ushicunataca amorreocunata jatun mandac Sehonmi prezurca.

MIQUEAS 4:5

Tucui llactacuna ruhuashcalla dioscunata caticucpipish, ñucanchicca Mandac Diostami huiñaita cazushpa purishun.

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

1 REYES 11:7

Chashna cashpami, Salomonca Moab llactapi causaccunapac Quemos mana ricunayachishca yanga diosman Jerusalén chimba lado lomapi shuc altarta shayachirca. Shinallatac Amón llactapi causaccunapac Moloc millana yanga diosmanpish chashnallatacmi shayachirca.

JOSUÉ 3:10

Cancunaca caita ricushpami, causac Dios cancunapac chaupipi cashcataca yachanguichic. Paimi cunanca cananeocunatapish, heteocunatapish, heveocunatapish, ferezeocunatapish, gergeseocunatapish, amorreocunatapish, jebuseocunatapish cancunapac ñaupamanta llucchishpa cachanga.

DEUTERONOMIO 18:12

Chai shina millaita ruhuaccunaca Mandac Diospac millanayachinmi. Chaimantami Mandac Diosca chai llactamanta llucchishpa cachanga.

JEREMÍAS 48:46

¡Aij, Moablla! Quemos diosta yuyaric gentecunaca tucurishcami. Churicunapish, ushicunapish shuctac llactamanmi prezu rishcacuna.

JEREMÍAS 48:7

Moab llactalla, can ima ruhuashcacunapi, ima charishcacunapi shunguta churashcamantaca prezu apashcami cangui. Quemos diospish paipac curacunandi, paipac mandaccunandimi prezu apashca canga.

SALMOS 44:2

Canca ñucanchic taitacuna chai llactapi allita causachunmi cambac maquihuan chai llactapi causaccunataca llaquichishpa llucchishpa cacharcangui.

JUECES 10:6

Israelcunaca Baal, Astarot, Siria llacta, Sidón pueblopi tiyac, Moabpac, Amonpac churicunapac, filisteocunapac dioscunata servishpami Mandac Diosta piñachircacuna. Chashnami Mandac Diosta cungarishpa mana servircacuna.

JUECES 11:23

¿Israelcunata Mandac Diosllatac, pai acllashca israelcunapac ñaupapi amorreocunapac llactata quichushpa cushcatachu cunanca quichusha? ningui.

RUT 1:15

Chaimantami Noemica: —Riqui, cambac cuñadaca ñami paipac puebloman paipac dioscunapacman cutin. Canpish paita catishpa cutilla— nirca.

JEREMÍAS 48:13

Shina ruhuacpimi, Moab llactaca Bet-el diospi shunguta churashcamanta israelcuna pingai tucushca shina, Quemos diospi shunguta churaccunaca pingaihuan canga.

JOSUÉ 21:43

Shinami Mandac Diosca ñaupa taitacunaman cusha nishpa ari nishca llactataca israelcunaman curca. Chai tucui llactatami paicuna causachun curca.

JUECES 2:1

Mandac Diospac ángel Gilgal pueblomanta Boquim puebloman rishpami israelcunataca: «Ñucami Egipto llactamanta llucchishpa, cancunapac ñaupa taitacunaman cungapac ari nishca llactaman pushamurcani. Paicunamanmi ñucaca: “Ñuca cancunahuan ari nishcataca pactachishatacmi.