JUECES 10:9 - Dios Rimashcata Quillcashcami

⁹ Chai quipaca amonitacunaca Jordán yacuta pasashpami Judapac, Benjaminpac aillucunahuan, Efrainpac huasi ucu familiahuan macanacungapac rirca. Chashnami israelcuna mai llaquita aparca.

JUECES 10:9 Referans Kwoze

2 CRÓNICAS 15:5

Chai huatacunapica pipish mana sumacta causai pudircachu. Ashtahuanpish tucui llactapi causaccunami huasipi cashpapish, ñanpi cashpapish llaquita charircacuna.

2 CRÓNICAS 14:9

Paicunahuan macanacungapacmi Etiopía llactata mandac Zeraca shuc junu soldadocunahuan, quimsa patsac carretacunahuan Maresa puebloman llucshimurca.

1 SAMUEL 28:15

Chaipimi Samuelca Saultaca: —¿Imapactac ñucata huichai cayashpa piñachingui?— nirca. Shina nicpimi Saulca: —Filisteocunami ñucata piñashpa macanacungapac shamushca. Diospish ñucamantaca anchurishcami. Chaimantami ñucaca yalli llaquiricuni. Ñuca tapushcataca Diosca muscuipipish, pai ima nishcata huillaccunamanpish imata mana huillanchu. Chaimantami ñuca ima ruhuanata huillachun cantaca cayarcani— nirca.

DEUTERONOMIO 28:65

Chai llactapica mana samaringuichicchu. Chaqui plantapish mana samaringachu. Cancuna chaipi cacpica, Mandac Diosca cancunapac shungupica manchaitami churanga. Chaimantami llaquilla shungu puringuichic. Llaquilla ñahuicunami puringuichic.

JUECES 10:8

Chai punzhapimi chunga pusac huatacunata yallita servichishpa llaquichirca. Jordán yacumanta chimbaman Galaadpi cac amorreocunapac llactapi causac israelcunatapish chashnallatacmi llaquichishpa charirca.

JUECES 10:10

Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.

JUECES 11:4

Maijan huatacuna quipaca amonitacunami israelcunahuan macanacui callarirca.

JUECES 2:15

Mandac Dios nishca shinami, paicuna maiman ricpipish Mandac Diosca paipac maquihuan llaquichicurca. Mandac Dios pactachingapac ari nishca shinami israelcunaca mai llaquita apacurca.

JUECES 6:2

Madianitacuna israelcunata yallita llaquichicpimi, paicunaca urcucunapi, machaicunapi, mai pacallacunapi miticurca.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.