JUECES 10:4 - Dios Rimashcata Quillcashcami

⁴ Paica quimsa chunga churicunatami charirca. Chai churicunaca quimsa chunga burrocunapi montashpami puric carca. Shinallatac quimsa chunga pueblocunatami charirca. Chai pueblotaca cunancamanmi Jair pueblocuna nishpa cayan. Chai pueblocunaca Galaad llactapimi.

JUECES 10:4 Referans Kwoze

NÚMEROS 32:41

Manasespac aillupuramanta Jairca amorreocunapac llacta muyundi llactacunatami japirca. Chai llactacunataca Havot-jairtami shutichirca.

JUECES 12:14

Paica chuscu chunga churita, quimsa chunga nietotami charirca. Paicunaca canchis chunga burrocunatami montangapac charirca. Paica pusac huatatami israelcunapac juez carca.

JUECES 5:10

Yurac burropi tiyariccunapish, ñanta puriccunapish, tapices jahuapi tiyariccunapish, ñanta riccunapish yuyarichicyari.

DEUTERONOMIO 3:14

Manasespac churi Jairca tucui Argob llactata japishpami Gesur, Maaca llacta tupanacuicaman japirca. Chashna japishpami, Basantaca paipac quiquin shuti Havot-jairta churarca. Chai llactataca cunancamanmi chashna cayancuna.

JUECES 10:3

Mandac Tola huañushca quipaca Galaad aillumanta mandac Jairmi israelcunata quishpichingapac jatarirca. Paica ishcai chunga ishcai huatatami israelcunata mandarca.

JUECES 10:5

Jair huañucpica, Camón pueblopimi enterrarca.

2 SAMUEL 16:2

Chashna tupacpimi, jatun mandac Davidca: —¿Imapactac caita apamungui?— nishpa tapurca. Shina tapucpi Sibaca: —Cai burrocunaca can jatun mandacpac familia montangapacmi. Cutin tandapish, pasaspish canta serviccuna micuchunmi. Vinoca shitashca pambapi yacunayacpi ubiangapacmi— nirca.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.