JUECES 10:11 - Dios Rimashcata Quillcashcami

¹¹ Chashna mañacpimi Mandac Diosca: —Cancunaca Egipto gentecuna, amorreocuna, amonitacuna, filisteocuna,

JUECES 10:11 Referans Kwoze

JUECES 3:31

Aod huañushca quipaca Anatpac churi Samgarmi sucta patsac filisteocunata huagrata tucsina puyahuan huañuchirca. Chashnami paipish israelcunataca chai llaquimanta llucchirca.

ÉXODO 14:30

Chashnami Mandac Diosca chai punzhapica israelcunata Egipto runacunapac maquimanta quishpichirca. Egipto runacuna yacu patapi huañushca siricuctami israelcunaca ricurca.

HEBREOS 11:29

Crishcamantami israelcuna chaquishca allpata shina, Puca Cuchata pasarcacuna. Egipto gentecunaca chai shinallatac pasashun nishpapish, tucuimi yacupi aguarircacuna.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.

NÚMEROS 21:35

Shina nicpimi, israelcunaca jatun mandac Ogta, paipac churicunandi, paipac gentecunandi shucllatapish mana saquishpa, tucui huañuchirca. Shina huañuchishpami paicunapac llactataca tucui japirca.

JUECES 2:12

Paicunapac ñaupa taitacunata Egipto llactamanta llucchic Mandac Diosta saquishpami manapish diosta catishpa, chai muyundi pueblocunapi tiyac dioscunata servishpa Mandac Diosta piñachircacuna.

JUECES 3:28

Chaipimi Aodca paicunataca: «¡Ñucata catichiclla! Mandac Diosmi ñucanchicta piñac moabitacunata ñucanchic maquipi churashca» nirca. Shina nicpimi, Aodta catishpa rishpaca Moab puebloman rina ñan Jordán yacupi chapashpa, pita mana pasachirca.