JUECES 1:26 - Dios Rimashcata Quillcashcami

²⁶ Chai runaca heteocuna causana llactaman rishpami shuc pueblota ruhuashpa, Luz shutita shutichirca. Chai shutimi cunan punzhacaman can.

JUECES 1:26 Referans Kwoze

2 CRÓNICAS 1:17

Egiptomantaca shuc carretallatami sucta patsac siclos cullquipi, shinallatac caballocunataca patsac pichca chunga siclos cullquipi randishpa apamuccuna carca. Chai runacunallatacmi heteocunata jatun mandaccunamanpish, Siria llactata jatun mandaccunamanpish catuccuna carca.

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.

JUECES 1:25

Chashnami chaipi causaccunataca espadahuan chugrichishpa tucui huañuchirca. Ashtahuanpish chai puebloman yaicunata ricuchic runataca paipac familiandimi imata mana ruhuashpa richun saquirca.

JUECES 1:27

Manasés ailluca Bet-seán, Taanac, Dor, Ibleam, Meguido pueblopi causaccunatapish, chai ladopi tiyac uchilla llactacunapi causaccunatapish mana llucchishpa cachai pudircachu. Chaimantami cananeocunaca chai llactallapitac causashpa catirca.