SAN JUAN 8:31 - Dios Rimashcata Quillcashcami

³¹ Jesusca paita cric israelcunataca: —Cancunaca ñuca rimashcata cazushpaca, ñuca yachacuccunatacmi canguichic.

Nuevo Testamento en Quichua Cañar 1996

³¹ Jesusca paita cric israelcunataca:*f** —Cancunaca ñuca rimashca shimicunata cazushpa c'atishpaca, ñuca yachacuccunatacmi canguichic.

SAN JUAN 8:31 Referans Kwoze

2 JUAN 1:9

Maijanpish chingarishpa, Cristo yachachishcamanta ashtahuan yallichishpa yachachisha nicca, mana Dios-huanchu. Maijanpish Cristo yachachishca shina yachachicllami Dios-huanpish, paipac Churi Jesucristohuanpish can.

2 TIMOTEO 3:14

Chashna canapac randica, can imata yachacushcata crishpa alli catingui. Canca pi yachachishcataca yachanguimi.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyanamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

1 SAMUEL 12:14

Cancunapish, cancunata mandacpish Mandac Diospac ñaupapi allita causaichic. Paita servishpa, cazushpa, pai mandashcacunata pactachishpa causashpaca allimi causanguichic.

HEBREOS 3:14

Callaripi caticushca shina, Cristopi shunguta churashpa tucuringacaman catishpaca, Cristo japishca shinami ñucanchicpish japishun.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

1 JUAN 2:24

Shina cashcamanta cancuna callarimanta pacha uyashcataca shungupi huacaichinguichic. Callarimanta pacha uyashcata shungupi huacaichishpaca, Diospac Churihuanpish, Dios-huanpish shucllami canguichic.

ROMANOS 11:22

Dios llaquic cashcatapish, llaquichic cashcatapish yachanami cangui. Diosca mana cazuccunataca llaquichishcami. Shina cashpapish cantaca llaquishcami. Diospac cuyaita mana cungarishpaca causanguimi. Mana yuyarishpaca canpish anchuchishcami cangui.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

SAN MATEO 24:13

Chaica, pipish tucuricaman llaquicunata apactaca quishpiringami.

SAN JUAN 8:36

Chaimanta Diospac Churi cancunata huatashca shinamanta cacharichicpica, cacharishcatacmi canguichic.

SAN JUAN 6:55

Chaimanta ñuca aichami micunatac can, ñuca yahuarmi ubianatac can.

HECHOS 13:43

Tucui chaipi caccuna llucshicpica, tauca israelcunapish, israelcuna yachachishcata caticcunapish Pablota, Bernabetami caticurcacuna. Chai caticcunataca Diosta tucui shunguhuan alli catichun, Dios cuyacushcatapish ama cungarichunmi cunashpa saquirca.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

HEBREOS 8:9

Caica mana paicunapac ñaupa taitacunahuan ari nishca shinachu canga. Paicunataca maquimanta japishpami, Egipto llactamanta llucchircani. Shina cashpapish, chai ari nishcata mana pactachishcamantaca saquircanimi.

1 TIMOTEO 2:15

Shina cashpapish huahuacunata charic huarmica alli cric cashpa, cuyashpa, alli yuyaihuan, Diospaclla causashpaca quishpiringami.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

HECHOS 26:22

Chaipi Dios ñucata cuidashcamantami uchillacunamanpish, jatuncunamanpish huillacuni. Dios ima nishcata huillaccuna huillashcallata, Moisés quipaman ima tucunata huillashcallatami huillacuni.

SAN JUAN 2:2

Chai bodamanmi Jesustapish, paipac yachacuccunatapish cayarca.