SAN JUAN 8:23 - Dios Rimashcata Quillcashcami

²³ Shina nicpimi Jesusca: —Cancunaca caimantami canguichic. Ñucaca jahua pachamantami cani. Cancunaca cai pachamantami canguichic. Ñucaca mana cai pachamantachu cani.

Nuevo Testamento en Quichua Cañar 1996

²³ Shina nicpica, Jesusca cashnami nirca: —Cancunaca caimantami canguichic. Ñucaca jahuamantami cani. Cancunaca cai pachamantami canguichic. Ñucaca mana cai pachamantachu cani.

SAN JUAN 8:23 Referans Kwoze

SAN JUAN 3:31

Jahua pachamanta shamucmi tucuita yallica. Cai pachamanta cacca cai pachapi causaccuna shinallami. Chaimantami cai pachallamanta riman. Ashtahuanpish jahua pachamanta shamucmi tucuita yallica.

SAN JUAN 17:16

Paicunaca mana cai pachamantachu, ñucapish manallatac cai pachamantachu cani.

SAN JUAN 17:14

Can rimashcata paicunaman huillashcanimi. Chaimantami cai pachapac caccunaca paicunata piñancuna. Paicunaca ña mana cai pachamantachu, ñucapish mana cai pachamantachu cani.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

SALMOS 17:4

Mana shuccuna shina millaita rimanichu. Cambac mandashca shimicunata cazushpami millaicunapac ñantapish mana catircani.

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca ñucallami jahua pachamanta shamurcani. Ñucami jahua pachapi causacca cani.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.