SAN JUAN 8:11 - Dios Rimashcata Quillcashcami

¹¹ Shina nicpimi, chai huarmica: —Amito, mana pi juchanchircachu— nirca. Shina nicpimi Jesusca: —Ñucapish mana juchanchinichu. Rilla, cutinca ama juchallinguichu— nirca.]

Nuevo Testamento en Quichua Cañar 1996

¹¹ Shina nicpi chai huarmica: —Mana, amito. Pi mana imata juchanchircachu— nirca. Shina nicpi Jesusca: —Ñucapish mana imata juchanchinichu. Rilla, cutinca ama juchallinguichu— nirca.]

SAN JUAN 8:11 Referans Kwoze

SAN JUAN 3:17

Diosca mana cai pachapi causaccunata llaquiman cachachunchu paipac churitaca cacharcachu, ashtahuanpish cai pachapi causaccunata quishpichichunmi cacharca.

SAN JUAN 5:14

Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

SAN JUAN 8:15

Cancunaca gentecuna yuyashca shinami juchanchinguichic. Ashtahuanpish ñucaca pita mana juchanchinichu.

SAN LUCAS 15:7

Ñucaca ninimi: Chashnallatacmi jahua pachapica, iscun chunga iscun llaquirishpa, Diosman mana cutirishcacunamanta yalli, shuc juchayuc llaquirishpa Diosman cutiricpica, ashtahuan cushicui tiyan.

SAN LUCAS 5:32

Ñucaca mana cashcata ruhuaccunatachu cayac shamurcani, ashtahuanpish juchayuccunatami Diosman cuti richun cayac shamurcani— nirca.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

JOB 34:31

Chaica, Diostaca: “Ñucaca ñami yallita llaquita apashcani, cantaca ña mana ashtahuan piñachishachu.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

SAN LUCAS 13:3

Mana, mana yalli juchayuccuna cashcamantachu chashnaca tucurca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

SAN JUAN 18:36

Shina nicpimi Jesusca: —Ñuca mandanaca mana cai pachapichu. Cai pachapi mandana cacpica, ñucata caticcuna macanacushpa, israelcuna japichun mana saquinmanchu. Ñuca mandanaca mana caipichu— nirca.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN LUCAS 13:5

Mana chaimantachu chashna tucushca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic— nirca.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

DEUTERONOMIO 17:9

Chaipi levita curacunaman, chai punzhapi mandac juezcunaman tapunguichic. Paicunami allita ricushpa, ima shina taripanatapish huillanga.

DEUTERONOMIO 16:18

Mandac Dios cancunaman cugricuc llactacunapica cashcata ruhuashpa mandachun juezcunatapish, shuctac mandaccunatapish churanguichic.

2 PEDRO 3:15

Apunchic Jesús pai llaquishcamanta maijanpish quishpirichun nishpa, mana utca shamushpa shuyacushcataca yuyarichicyari. Caicunallamantatacmi ñucanchic cuyashca huauqui Pablopish, Dios yuyaita cucpi cancunamanca ña quillcarca.

1 CORINTIOS 5:12

Mana criccunataca ñucaca mana juchanchinachu cani. Ashtahuanpish criccunapurapi caccunataca cancunami taripana canguichic

SAN LUCAS 9:56

Runa Tucungapac shamushca ñucaca, mana causaita chingachingapacchu shamurcani, ashtahuanpish causaita cungapacmi shamurcani— nirca. Chaimantaca shuc llactaman rircallami.