SAN JUAN 7:35 - Dios Rimashcata Quillcashcami

³⁵ Chaimanta israelcunaca caishuc chaishuc tapunacushpaca: —Ñucanchic mana tarichunca, ¿maimanshi ringa? ¿Ñucanchicpuramanta Grecia llactaman rishcacunapacmanchu risha nin? ¿Chaipichu israelcunata yachachisha nin?

Nuevo Testamento en Quichua Cañar 1996

³⁵ Shina nicpi, chai israelcunaca*f** paicunapura caishuc chaishuc tapunacushpaca: —Ñucanchic mana tarichunca, ¿maimanshi risha nin? Ñucanchicpuramanta Grecia llactapi chagrurishpa causaccunapacman rishpa, ¿chaipi mana israelcunamanchu yachachisha nin, imashi?

SAN JUAN 7:35 Referans Kwoze

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.

1 PEDRO 1:1

Ñucaca Jesús acllashca apóstol Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

SOFONÍAS 3:10

Etiopía llacta yacu ladopi causaccunami ñucata mañanga. Caita chaita rishpa causacushpapish ofrendata apamungami.

ISAÍAS 11:12

Tucui llactapi causaccuna ricuchun, shuc banderata shayachishpami, llucchishpa cachashca israelcunataca cutin tandachimunga. Caita, chaita rishca Judá aillutapish cai pacha chuscu ladomantami tandachimunga.

SAN JUAN 12:20

Jerusalén fiestapi Diosta alli ningapac riccunapurapica, maijan griego gentecunapishmi carca.

2 TIMOTEO 1:11

Cai alli huillaita huillachunmi ñucataca huillac cachunpish, yachachic cachunpish acllashpa cacharca.

1 TIMOTEO 2:7

Tucui caicunata mana israelcunaman crinamanta cashcata nic alli huillaita huillashpa yachachichunmi, Jesusca ñucata acllarca. Ñucaca mana llullashpami, chashnatac cashcata nini.

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

HECHOS 22:21

Ashtahuanpish Apunchic Jesusca: “Rilla, ñucami cantaca caru llacta mana israelcunapacman cachagrini” nircami» nirca.

HECHOS 21:21

Ashtahuanpish cantaca caru llactapi causac israelcunataca: “Moisés mandashcacunata ama cazuichicchu, circuncisiontapish ama ruhuaichicchu, israelcuna imallata ruhuana cashcatapish ama ruhuaichicchu” nishpa yachachicushcatami, maijancunaca yachac chayashca.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

SAN JUAN 8:22

Chaita uyashpami mandac israelcunaca: —¿Pai: “Ñuca ricushcamanca mana ri pudinguichicchu” nishpaca, paillatac huañunamantachu nicun?— ninacurca.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

SAN MATEO 12:21

Tucui llactacunami paipi shunguta churashpa shuyanga» nishcami.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

SALMOS 147:2

Mandac Diosca Jerusalenta cutinllatac shayachicmi. Israelcunata prezushpa aparishcata cutichimucmi.

ISAÍAS 56:8

Caita chaita rishca israelcunata tandachic Mandac Diosca: «Ñucaca tandachishcamanta yalli achcatami caiman cutin pushamusha.

SAN JUAN 7:1

Chai quipaca, Jesusca Galilea llactapimi puricurca. Mandac israelcuna huañuchishun nishcamantami, Judea llactapi canataca mana munarca.

HECHOS 11:20

Chashna cacpipish, Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish Apunchic Jesusmanta alli huillaita huillarcami.

HECHOS 14:1

Iconio pueblopimi Pabloca Bernabehuan israelcuna tandanacuna huasiman yaicushpa, alli huillaita huillarca. Chashna huillacpimi, israelcunapish, mana israelcunapish achcacuna Jesusta crircacuna.

HECHOS 17:4

Chaimantami tauca israelcuna crishpa Pablohuan, Silas-huan tandanacurca. Diosta yuyaric mana Israel runacunapish, alli nishca huarmicunapish achcami crirca.

HECHOS 18:4

Pabloca samana punzhacunapica tandanacuna huasiman rishpami, israelcunapish, mana israelcunapish crichun, yachachic carca.

ROMANOS 1:16

Alli huillaica maijanpish cricta quishpichingapacmi poderta charin. Chaica, puntaca israelcunatami, quishpichinga. Shinallatac mana israelcunatapish quishpichingami. Chaimantami alli huillaimantaca mana pingani.