SAN JUAN 7:33 - Dios Rimashcata Quillcashcami

³³ Chaimantami Jesusca: —Ashacamanllami cancunahuan casha. Quipataca ñucata Cachacpacmanmi risha.

Nuevo Testamento en Quichua Cañar 1996

³³ Chaimantami Jesusca cashna nirca: —Ashacamanllami cancunahuanca cagrini. Q'uipataca ñucata Cachacpacmanmi rigrini.

SAN JUAN 7:33 Referans Kwoze

SAN JUAN 16:5

Cunanca ñucata cachac Taitapacmanmi rigrini. Shina cacpipish pipish: “¿Maimantac ringuichic?” nishpa mana tapunguichicchu.

SAN JUAN 13:33

Cuyashca yachacuccunalla, ashacamanllami cancunahuan cagrini. Cancunaca ñucata mashcanguichicmi. Mandac israelcunata nishca shinami cancunatapish nini: Ñuca maiman ricushcamanca, mana ri pudinguichicchu.

SAN JUAN 17:13

Can maipi cashcamanmi rini. Ñuca shinallatac paicunapish yallita cushicuchunmi, cai pachapi cashparac cashna mañani.

SAN JUAN 17:11

Ñucaca ña mana cai pachapi cagrinichu, cambacmanmi rigrini. Ñucata caticcunaca cai pachapimi saquirin. Jucha illac Taitalla, ima shinami canhuan shuc shinalla canchic, chai shinallatac paicunapish shuc shinalla cachun, cambac poderhuan cuidaiyari.

SAN JUAN 16:28

Ñuca Taitapacmantami cai pachaman shamurcani. Cunanca cai pachata saquishpami, ñuca Taitapacman cutigrini— nirca.

SAN JUAN 16:10

Ñuca Taitapacman rishpa, mana ricuricpimi, imami cashcata ruhuanata ricuchinga.

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

SAN JUAN 13:3

Jesusca paiman Dios poderta cushcatapish, Dios cachashca shamushcatapish, paipacman cutina cashcatapish yacharcami.

SAN JUAN 13:1

Pascua fiesta punzhacuna manarac chayacpimi, Jesusca cai pachamanta paipac Taitapacman rina horas chayashcata yacharca. Cai pachapica paita caticcunataca yallitami Jesusca cuyarca. Shinami tucuringacaman cuyarca.

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

SAN JUAN 9:4

Punzha tiyacpiracmi, ñucata Cachac Diospacta ruhuana canchic. Ña tutayacpica, pi imata mana ruhuai pudinchu.

SAN JUAN 14:12

Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

SAN JUAN 14:28

Cancunaca ñuca: “Ñuca rishpapish cancunapacman cutishami” nishcataca, uyarcanguichicmi. Ñuca Taitaca ñucata yallimi. Ñucaca Taitapacmanmi rigrini nishcamantaca ciertota ñucata cuyashpaca cushicunguichicmanmi.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.