SAN JUAN 7:28 - Dios Rimashcata Quillcashcami

²⁸ Jesús Diosta mañana huasipi yachachishpaca: —¿Ñuca maimanta cashcatapish, pi cashcatapish yachanguichicchu? Mana ñuca quiquinllamantachu shamurcani, ashtahuanpish cashcata ruhuac Dios cachacpimi shamurcani. Paitaca cancunaca mana ricsinguichicchu.

Nuevo Testamento en Quichua Cañar 1996

²⁸ Chaita uyashpaca, Diosman mañana huasi ucupi yachachicushpami Jesusca sinchita cashna nirca: —Ñuca maimanta cashcatapish, pi cashcatapish yachanchicmi nishpami yuyanguichic. Shina cacpipish ñuca quiquinllamantatacca mana shamurcanichu, ashtahuanpish cashcata ruhuac Taita Dios cachacpimi shamurcani. Paitaca cancunaca mana ricsinguichicchu.

SAN JUAN 7:28 Referans Kwoze

SAN JUAN 8:42

Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

SAN JUAN 8:19

Shina nicpimi paicunaca: —¿Maipitac cambac taitaca?— nirca. Chaimantami Jesusca: —Cancunaca ñucatapish, ñuca Taitatapish mana ricsinguichicchu. Ñucata ricsishpaca, ñuca Taitatapish ricsinguichicmanmi— nirca.

SAN JUAN 8:26

Cancunata juchanchishpa, tauca ninacunatami charini. Shina cashpapish ñucata Cachacca imatapish cashcatami nin. Ñucaca pai imata nishcallatami nini— nirca.

SAN JUAN 8:14

Shina nicpimi Jesusca: —Ñucaca maimanta shamushcatapish, maiman ricushcatapish yachanimi. Chaimantami ñucallamanta huillacushcapish, mana yangalla can. Ashtahuanpish cancunaca ñuca maimanta shamushcatapish, maiman ricushcatapish mana yachanguichicchu.

JEREMÍAS 9:6

Tucuita Mandac Diosca: «Can Jeremiasca llullaccunapac chaupipimi causangui. Paicunaca llullac cashpami, ñucata mana ricsisha» ninmi. Chaitaca Mandac Diosmi nin.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

SAN JUAN 12:49

Mana ñuca munaimantachu rimacuni, ashtahuanpish ñucata cachac Taita imata mandashcallatami huillashpa rimani.

SAN JUAN 5:43

Ñuca Taitapac shutipi shamucpipish chasquinguichicchu, ashtahuanpish maijan pai quiquinllamanta shamucpica chasquinguichicmanmi.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

1 JUAN 5:10

Maijanpish Diospac Churita cricca, Diosllatac huillashcatami paipac shungupi charin. Maijanpish Diosta mana cricca, Diosllatac paipac Churimanta huillashcata mana crishcamantami, Diosta llullapi churan.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 1:18

Ñucanchic cancunaman huillashcaca, chai ratollatac «mana», chai ratollatac «ari» ninaca mana canchu. Chaitaca Diosllatami yachan.

ROMANOS 3:4

¡Mana chashna ruhuangachu! Tucui gentecuna llullac cacpipish, Diosca ima nishcata pactachicmi. Dios quillcachishcapica: «Tucuimi: “Cashcata nicmi” ningacunami. Canta taripacpipish, allimi llucshingui» ninmi.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

HECHOS 17:23

Cai pueblopi puricushpaca, cancunapac dioscunata yuyarina huasicunatami ricurcani. Shinallatac shuc altarpica: “Mana Ricsishca Diospac altarmi” nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi huillacuni.

SAN JUAN 17:25

Cashcata ruhuac Taitalla, cai pachapac causaccuna canta mana ricsicpipish, ñucaca ricsinimi. Can ñucaman cushcacunapish, can ñucata cachashcata yachanmi.

SAN JUAN 16:3

Ñuca Taitatapish, Ñucatapish mana ricsishcamantami chashna ruhuanga.

SAN JUAN 14:31

Ñuca Taitata cuyac cashcata, Taita mandashcata pactachicusha. Cai pachapi causaccuna yachachunca, chashnallatacmi cana can. Jatarichic, caimanta jacuchic— nirca.

SAN JUAN 14:10

¿Manachu ñucaca Taitahuan, Taitaca ñucahuan shuclla cashcataca cringui? Ñucaca, mana ñuca munaimantachu rimani, ashtahuanpish ñuca Taita ñucapi cashpami, pai munashcata ruhuachicun.

SAN JUAN 10:36

Diosca chicanyachishpami, ñucataca cai pachaman cacharca. ¿Chashna cashca jahuachu ñucataca: “Diospac Churimi cani” nishpaca, “Diostami piñachicun” ninguichic?

SAN JUAN 8:16

Ñucaca mana ñucallachu juchanchini, ashtahuanpish ñucata cachac Taitahuanmi juchanchini. Chaimantami ñucaca cashcata ruhuashpa juchanchini.

SAN JUAN 5:32

Ashtahuanpish ñucamanta huillacca, shucmi. Chai huillacca ñuca ima shina cashcatami huillan.

SAN JUAN 3:33

Maijanllapish pai huillashcata chasquicca, Diosca cashcata nic cashcatami ricuchin.

SAN JUAN 3:2

Pai Jesuspacman tuta rishpaca: —Yachachic, canca Dios cachashca yachanchicmi. Pipish can ruhuacuc shina, milagrocunataca mana Dios-huan cashpaca, mana ruhuanmanchu— nirca.

SAN JUAN 1:46

Shina nicpimi Natanaelca: —Nazaret pueblomantaca, ¿ima allitac llucshingachu?— nirca. Shina nicpimi Felipeca: —Canllatac shamui, ricungui— nirca.

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

SAN LUCAS 2:51

Jesusca taita mamahuanmi Nazaret puebloman cutimushpa, paicunata alli cazushpa causarca. Paipac mamaca tucui chaicunacata shungupi huacaichishpami causacurca.

SAN LUCAS 2:39

Dios mandashcacunata tucui pactachishpaca, Joseca Mariandimi paicuna causana Galilea llacta Nazaret puebloman cutirca.

SAN LUCAS 2:11

Cunanmi David huacharishca Belén pueblopi Quishpichic huacharishca. Paica tucuita Mandac, Quishpichic Cristomi.

SAN LUCAS 2:4

Joseca Davidpac huahua huahuapura cashcamantami, Galilea llacta Nazaret pueblomanta ñaupa mandac Davidca huacharishca Judea llacta Belén puebloman rirca.

SAN MATEO 2:23

Chaiman chayashpaca, ñaupa huillaccuna huillashca pactachunmi Nazaret pueblopi causangapac rirca. Chai huillaccunaca: “Paica nazareno nishcami canga” nishca carca.

OSEAS 5:4

Paicunapac shungupi huainayana yuyai tiyashcamantami paicuna ruhuashcacunahuanca mana ñucapacman cuti pudincuna. Chashnami ñucataca mana ricsincuna.

OSEAS 4:1

Israelcunalla, Mandac Dios rimashcata uyaichic. Paica cai llactapi causaccunahuan piñarishcami. Cai llactapica cashcata nicpish, Diosta manchacpish, paimanta yachanata munacpish mana tiyanchu.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

SALMOS 9:10

Mandac Dioslla, canta mashcaccunataca mana saquircanguichu. Cambac shutita ricsiccunaca canpimi shunguta churangacuna.

1 SAMUEL 2:12

Elipac churicunaca Diosta mana manchaccuna cashpami, Mandac Diosmantaca imatapish mana yacharca.

SAN JUAN 7:14

Chai fiesta punzhacuna ña chaupiyamucucpimi, Jesusca Diosta mañana huasipi yachachi callarirca.

SAN MATEO 26:55

Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

SAN JUAN 6:42

Shina piñarishpaca: —¿Caica manachu Josepac churi Jesús? Paipac taita mamatapish ricsinchicmi. ¿Imamantatac: “jahua pachamantami shamurcani” ninyari?— ninacurca.

SAN JUAN 9:29

Dios rimashcata Moisés huillashcallatami yachanchic, ashtahuanpish chai runa maimanta cashcataca mana yachanchicchu— nirca.