SAN JUAN 7:19 - Dios Rimashcata Quillcashcami

¹⁹ Moisesmi mandashcacunataca curca. Ashtahuanpish cancunaca shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

Nuevo Testamento en Quichua Cañar 1996

¹⁹ Moisesmi cancunamanca mandashcacunataca curca. Shina cacpipish cancunapurapica shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

SAN JUAN 7:19 Referans Kwoze

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

SAN JUAN 11:53

Chai punzhamanta pachami, Jesusta ima shina huañuchinata yuyarinacurca.

SAN JUAN 7:1

Chai quipaca, Jesusca Galilea llactapimi puricurca. Mandac israelcuna huañuchishun nishcamantami, Judea llactapi canataca mana munarca.

SAN MATEO 12:14

Chaita fariseocuna ricushpa, canzhaman llucshishpaca, ima shina Jesusta huañuchinatami yuyarinacurca.

GÁLATAS 6:13

Circuncisionta ruhuaccunapish mandashcacunataca mana pactachincunachu. Chashna cashpapish paicuna taucacunata circuncisionta ruhuachishpa “allimi cani” ningapacllami, cancunataca circuncisionta ruhuachun nincuna.

DEUTERONOMIO 33:4

Moisés ñucami mandashcacunataca Jacobopac huahua huahuaman curcani.

DEUTERONOMIO 1:17

Pimanpish mana tucushpa, yangalla runa cacpipish, alli nishca runa cacpipish, cashcata ruhuashpa allichinguichic. Mandac Diosmi cancunata mandacun. Chaimanta ama manchanguichicchu. Maijan llaquicunata mana allichi pudishpaca, ñucaman huillanguichic. Ñucami paicuna ima nishcata uyashpa allichisha” nircani.

GÁLATAS 3:19

Shinashpaca, ¿imapactac Moisés mandashcacunaca alli canga? Chai mandashcacunaca Dios ari nishca quipami, taita Abrahampac aillupuramanta maijanman pai cusha nishca shamungacaman, maijanpish mana allita ruhuacushcata ricuchingapac carca. Chai mandashcacunataca angelcuna Moisesman cucpimi paica gentecunaman yachachirca.

HECHOS 7:38

Chai Moisesllatacmi shitashca pambapi ñaupa taitacunahuan carca. Paillatacmi Sinaí urcupi ángel rimashcata ñaupa taitacunaman huillangapac apamurca. Chai rimashcacunaca causaita cuc rimaicunami.

SAN JUAN 10:39

Chaimantami israelcunaca cutinllatac Jesusta japishun nircacuna. Shina cacpipish, paica paicunapac chaupimanta rircallami.

SAN JUAN 7:25

Jerusalén pueblo maijan israelcuna parlanacushpaca: —¿Manachu cai runaca huañuchingapac mashcacushca?

SAN JUAN 5:45

Ñuca Taitapac ñaupapi, ñuca juchanchina cashcataca ama yuyanguichicchu. Ashtahuanpish cancuna shunguta churashpa, shuyacushca Moisesmi juchanchinga.

SAN JUAN 5:18

Chaimantami mandac israelcunaca Jesusta huañuchinata munarca. Mana samana punzhapi alliyachishcallamantachu piñai callarircacuna, ashtahuanpish “ñuca Taitaca Diosmi” nishpa Dios tucushcamantami ashtahuan piñashpa, huañuchisha nicurca.

SAN JUAN 5:16

Samana punzhapi alliyachishcamantami mandac israelcunaca Jesusta piñai callarirca.

MARCOS 3:6

Fariseocunaca chai ucumanta llucshishpaca, mandac Herodespac runacunahuanmi Jesusta ima shina huañuchinata yuyarinacurca.

MARCOS 3:4

Jesús chaipi caccunata tapushpaca: —¿Samana punzhapica allita ruhuanachu alli canga, mana cashpaca mana allita ruhuanachu alli canga? ¿Huañuimanta quishpichinachu alli canga, mana cashpaca huañuchinachu alli canga?— nirca. Ashtahuanpish paicunaca upallami carcacuna.

SAN MATEO 21:38

Ashtahuanpish churi shamucucta chai chagrahuan saquiric runacuna ricushpaca “Paimi taita charishcataca japinga. Paipac randi ñucanchic japingapac huañuchishunchic” ninacurcami.

MARCOS 11:18

Chaita uyashpaca, mandashcacunata yachachiccunapish, curacunata mandac curacunapish Jesustaca ima shina huañuchinatami yuyaricurca. Chaica, tucui gentecunami “Jesusca allitami yachachin” nic carca. Chaimantami manchashpa huañuchinata munarca.