SAN JUAN 6:9 - Dios Rimashcata Quillcashcami

⁹ —Caipimi shuc huambra pichca cebada tandata, ishcai challuata charicun. Caillaca cai tucui gentecunamanca, ¿imatac pactangayari?— nirca.

Nuevo Testamento en Quichua Cañar 1996

⁹ —Caipimi shuc huambra pichca cebada tandata, shinallatac ishcai pescadotapish charicun. Caillaca cai tucui gentecunamanca, ¿imatac pactangayari?— nirca.

SAN JUAN 6:9 Referans Kwoze

SAN LUCAS 9:13

Shina nicpimi Jesusca: —Cancunallatac caraichic— nirca. Chashna nicpimi paicunaca: —Pichca tanda, ishcai challuallatami charinchic. Cai tucui gentecunaman carangapacca, ¿randinachu canchic?— nirca.

MARCOS 6:38

Jesusca: —Cancunaca, ¿mashna tandatatac charinguichic? Ricungapac richic— nirca. Paicuna cutimushpaca: —Pichca tanda, ishcai challuallatami charinchic— nirca.

SAN MATEO 14:17

Shina nicpimi paicunaca: —Pichca tanda, ishcai challuallatami charinchic— nircacuna.

SALMOS 78:19

Diosta piñachishpaca: «¿Diosca cai shitashca pambapi micunata carai pudingachu?

SAN MATEO 16:9

Pichca tandata pichca huaranga yalli gentecunaman carashcatapish, chaimanta mashna taza puchushcatapish ¿manachu yuyaringuichic? ¿Manaracchu entendinguichic?

MARCOS 8:19

Pichca tandata pichca huaranga gentecunaman ñuca caracpica, chai puchuchishcataca, ¿mashna tazatatac tandarcanguichic?— nirca. Chashna nicpica: —Chunga ishcai tazata— nirca. Shina nicpimi Jesusca:

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

SALMOS 81:16

Diosca ashtahuan alli trigotapish, rumipi tiyac bunga mishquitapish mana nictami caranman carca.

DEUTERONOMIO 8:8

Trigopish, cebadapish, uvaspish, higopish, granopish tiyac, sumac aceiteta cuc olivospish tiyac, sumac mishquicunapish tiyac llactatami cunga.

APOCALIPSIS 6:6

Chai chuscu causaita chariccunapac chaupimanta shuc rimashpaca: «Ishcai libra trigollami shuc punzha trabajoca valinga. Shinallatac sucta libra cebadapish shuc punzha trabajollatacmi valinga. Shina cacpipish aceiteta, vinota ama imata ruhuanguichicchu» nishcatami uyarcani.

SAN JUAN 11:32

María Jesuspacman chayashpa, paipac ñaupapi cungurishpaca: —Apunchic Jesús, can caipi cashca cacpica, ñuca turica mana huañunmanchu carca— nirca.

SAN JUAN 11:21

Chashna tupangapac llucshishpami Martaca: —Apunchic Jesús, can caipi cashca cacpica, ñuca turica mana huañunmanchu carca.

SAN JUAN 6:7

Shina nicpimi Felipeca: —Ishcai patsac denario cullquihuan randishca tandapish asha ashallami cai tucui gentecunamanca pactanga— nirca.

EZEQUIEL 27:17

Judá llacta gentecunapish, israelcunapish canhuanmi catushpa, randishpa causac carca. Paicunaca plazacunapica trigohuan, mirrahuan, mishquihuan, aceitehuan, resinahuanmi randic carca.

SALMOS 78:41

Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.

2 REYES 7:1

Chaimantami Eliseoca: —Mandac Dios huillashcata uyaichic. Paica: “Caya, cai horasllatacmi Samaria pueblo yaicunapica canchis seah alli harinata shuc siclos cullquillapi, chunga pichca seah cebadataca shuc siclos cullquillapi randina tiyanga” ninmi— nirca.

1 REYES 4:28

Shinallatac pai maipi cacpipish, caballocunamanpish aparishpa puric shuctac animalcunamanpish, cebadata, ucshata apashpa richunmi mandac carca. Shinami paicunaca maiman apana tucucpipish, quillanta apaccuna carca.

DEUTERONOMIO 32:14

Vaca leche mantequillatapish, oveja lechetapish, maltón oveja huirahuan, cari oveja huirahuanmi cararca. Basanmanta cari chivohuan, tucuimanta yalli alli trigohuanmi cararca. Sumac uvas vinotami ubiachirca.

SAN JUAN 6:11

Jesusca chai tandata japishpa, Diosta pagui nishpaca, yachacuccunamanmi raquichun curca. Challuata japishpapish, chashnallatacmi ruhuarca. Chashna ruhuacpica, mana nictami micurcacuna.

SAN JUAN 21:9

Paicuna canoamanta uricushpaca, nina brazas jahuapi challua cusaricuctapish, tanda chaipi tiyacuctapish ricurcacunami.

SAN JUAN 21:10

Chaipimi Jesusca: —Ñaca japishca maijan challuacunata apamuichic— nirca.

SAN JUAN 21:13

Chai quipaca cuchuyashpa tandata japishpami, Jesusca paicunaman curca. Challuacunatapish shinallatacmi curca.