SAN JUAN 5:7 - Dios Rimashcata Quillcashcami

⁷ Chai ungushca runaca: —Amito, yacuta cuyuchicpi, pi ñucata apacmi mana tiyan. Ñuca yacuman yaicungacamanca shuccunaracmi atishpa yaicun— nirca.

Nuevo Testamento en Quichua Cañar 1996

⁷ Shina tapucpi, chai ungushca runaca: —Amito. Yacu cuyuricpi, ñucata chaipi yaicuchichunca, pita mana charinichu. Ñuca yacuman yaicungacamanca shuccunaracmi atishpa yaicun— nirca.

SAN JUAN 5:7 Referans Kwoze

SALMOS 72:12

Paita mañac imata mana chariccunatapish llaquimanta llucchingami. Pi ayudacta mana charic huacchacunatapish ayudangami.

DEUTERONOMIO 32:36

Mandac Diosca pai acllashcacunataca cashcata ruhuashpami taripanga. Paita serviccunata llaquingami. Ña fuerza illac cacpi, pipish mana saquiricpi, prezucunapish, mana prezucunapish mana saquiricpi llaquingami.

1 CORINTIOS 9:24

Pucllana pambapica tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Chaimanta chai japinata japingapac, cancunapish callpacuc shina alli causaichic.

SALMOS 142:4

Ñuca alli ladota chapai ñucata ayudacca pi mana tiyanchu. Ñucata pacacpish, ñuca causaita cuidacpish pi mana tiyanchu.

ROMANOS 5:6

Ñucanchic maita mana quishpiripac cacpimi, Dios acllashca punzha Cristoca juchayuccunamanta huañurca.

SAN JUAN 5:3

Chai yaicunapica tauca ungushcacunami tiyac carca. Paicunaca ñahui mana ricuccuna, suchucuna, paralisis ungushcacunami carca.

SAN JUAN 5:2

Jerusalenpimi ovejacuna yaicuna pungu ladopimi, shuc cucha tiyarca. Chai cuchaca hebreo rimaipica Betesda shutimi can. Chaimanca pichca pungutami yaicuna carca.

SAN JUAN 5:4

Chaica, shuc angelmi jahua pachamanta cuchaman shamushpa, maijan cutinlla yacuta cuyuchic carca. Maijanpish utca yacuman yaicushpami ima ungüimantapish alliyac carca.

SAN JUAN 5:6

Jesusca chai runata ricushpaca, unai huatacunata ungushca cashcatami yacharca. Chaimantami chai runataca: —¿Alliyasha ninguichu?— nirca.