SAN JUAN 5:39 - Dios Rimashcata Quillcashcami

³⁹ Huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunami ñucamanta huillan.

Nuevo Testamento en Quichua Cañar 1996

³⁹ Shina cashpapish huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunaca ñucamantami huillan.

SAN JUAN 5:39 Referans Kwoze

SAN LUCAS 24:27

Chashna nishpami, Moisés quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.

SAN LUCAS 24:44

Micushca quipaca, Jesusca: —Ñucaca cancunahuan cashparacmi, Moisés mandashcacunapipish, Dios ima nishcata huillaccuna quillcashcacunapipish, Salmocunapipish ñucamanta huillashcacuna pactachunmi, chashnaca tucurca— nishpa huillarca.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

SAN MATEO 22:29

Chashna nicpimi Jesusca: —Cancunaca, Dios quillcachishcatapish, Diospac podertapish mana yachashpami, yalli pandaricunguichic.

ISAÍAS 34:16

Mandac Dios rimashpami, paipac Espirituhuan tandachirca. Chaimanta Mandac Diospac librota mashcashpa rezaichic. Cai animalcunamantaca imapish mana illanchu. Tucui animalcunami cari, huarmi canga.

HECHOS 13:27

Chaica, Jerusalenpi causaccunapish, paicunata mandaccunapish, Jesús pi cashcataca mana yacharcachu. Dios ima nishcata huillaccuna quillcashcata tucui samana punzhacunapi rezashcata uyashpapish, mana entendircachu. Jesusta huañuchishpaca, paicunallatacmi chai huillaccuna huillashcata pactachircacuna.

SAN JUAN 5:46

Moisés nishcata crishpaca, ñucatapish cringuichicmanmi. Moisesca ñucamantami quillcarca.

JEREMÍAS 8:9

Alli yachaccunapish mancharishpami, pingaihuan imatapish mana ruhuai pudishpa saquiringa. Mandac Dios rimashcata mana ricunayachic gentecunaca, ¿maitatac yachac cangayari?

ROMANOS 3:2

Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

MARCOS 12:10

Dios quillcachishcapi cashna nishcataca, ¿manachu ricushcanguichic? Chaipica: “Huasita ruhuaccuna mana nishca rumillatacmi, callari esquinapi churana rumi tucushca.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: «Ama chashna ruhuaichu. Ñucapish can shina Jesús huillashcata mana cungarishpa catic, cambac huauquicuna shinallatac Diospacta ruhuacmi cani. Diostami alli nina cangui» nirca. Diosmanta huillaccunamanca Jesús huillashcacunami huillana yuyaita cun.

ROMANOS 1:2

Chai alli huillaitami Diosca ñaupaman pai ima nishcata huillaccunaman huillachishpa, cushami nishca.

HECHOS 26:27

Can catun mandac Agripaca, ¿Dios ima nishcata huillaccuna huillashcataca cringuichu? Ari, can cric cashcataca yachanimi— nirca.

SAN JUAN 7:52

Shina nicpimi paicunaca: —¿Canpish Galilea llactamantachu cangui? Dios quillcachishcata ricui. Chaipica: “Galileamantaca pi huillac mana shamushcachu” ninmi— nirca. [

SAN JUAN 5:32

Ashtahuanpish ñucamanta huillacca, shucmi. Chai huillacca ñuca ima shina cashcatami huillan.

SALMOS 36:9

Canllami causaita cuc yacutaca charingui. Can achicyachicpimi achicta ricui pudinchic.

DEUTERONOMIO 18:18

Cancunapac huauquipuramanta can shina ñucamanta huillacta cachashami. Paipac shimipi ñuca rimaicunata churacpimi, paica tucuita huillanga.

DEUTERONOMIO 18:15

Mandac Diosca cancunapuramantami ñuca shina shuc huillacta acllanga. Paita cazunguichic.

SAN JUAN 5:36

Ñuca ruhuashcaca Juan huillashcamanta yallimi ñucamanta huillacun. Ñuca Taita ruhuachun nishcacunallatami ruhuacuni. Chai ruhuashcacunami ñuca Taita pi cashcatapish, ñuca pi cashcatapish ricuchin.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SALMOS 16:11

Ñucamanca causaiman apac ñantami ricuchingui. Cambac ñaupapica yallita cushicuimi tiyan. Cambac alli ladopica huiñaitami cushicui tiyan.

SAN LUCAS 16:31

Shina nicpimi Abrahamca: “Moisés mandashcacunatapish, Dios ima nishcata huillaccuna huillashcacunatapish mana cazushpaca, huañushcacunapuramanta maijan causarishpa ricpipish, ¡maitatac cazungayari!” nircami» nirca.

PROVERBIOS 6:23

Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

HEBREOS 11:16

Ashtahuanpish paicunaca shuc sumac llactatami munarcacuna. Chai llactaca jahua pachami can. Chaimantami Diosca mana pingashpa, “paicunapac Diosmi cani” nin. Chaica Diosca shuc alli pueblotami allichishpa charicun.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

SAN LUCAS 16:29

Chashna nicpimi Abrahamca: “¡Moisés mandashcacunatapish, Dios ima nishcata huillaccuna quillcashcacunatapish charincunami! ¡Chaicunata uyashpa, cazuchun!” nirca.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

SAN JUAN 1:45

Felipe Natanaelta mashcangapac rishpa, paihuan tupashpaca: —Moisés mandashcacunapi quillcashpa huillashca, Dios ima nishcata huillaccuna quillcashca ñucanchic shuyacushca runahuanmi tuparcanchic. Paica Nazaret pueblomanta Josepac churi Jesusmi— nirca.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

SALMOS 21:4

Causaita mañacpipish curcanguimi. Unaita causachunmi achca huatacunata curcangui.

SALMOS 1:2

Chaipac randica Mandac Dios mandashcata pactachishpami cushicun. Pai mandashcapimi tutapish, punzhapish yuyaricunlla.

SALMOS 133:3

Hermón urcuta tutamanta garua shamushpa, Sión urcuman chayamuc shinami can. Chaipimi Mandac Diosca bendiciashpa huiñai causaita cun.

HEBREOS 11:35

Crishcamantami huarmicunapish, paicunapac aillucuna huañushcata causachishcata chasquirca. Cutin shuccunaca causarina punzhapi sumac causaita japingapacmi, cacharishun nicucpipish, huañunalla llaquita apashpa huañurcalla.

DEUTERONOMIO 29:29

Imapish pacallacunaca ñucanchic Mandac Diospacmi. Ashtahuanpish cai ricuchishcacunaca ñucanchicpacpish, ñucanchic huahua huahuacunapacpishmi can. Cai mandashcacunapi tucui nishcacunatami huiñaita pactachina canchic.

SAN LUCAS 24:25

Chashna nicpimi Jesusca: —¡Cancunaca yuyai illac upacuna cashpami, Dios ima nishcata huillaccuna ñucamanta huillashcataca mana utca cringuichic!

SAN JUAN 5:40

Cancunaca huiñai causaita charingapac mana ñucapacman shamushun ninguichicchu.

MARCOS 10:3

Shina tapucpi Jesusca: —Moisés mandashcapica, ¿imatatac nin?— nirca.