SAN JUAN 5:30 - Dios Rimashcata Quillcashcami

³⁰ Ñuca munaimantaca imata mana ruhuai pudinichu. Ñucata cachac Taita nishcata uyashpami taripani. Mana ñuca quiquin munaimanta, ashtahuanpish ñuca Taita munaimantami juchanchini. Chaimantami cashcata ruhuashpa juchanchini.

Nuevo Testamento en Quichua Cañar 1996

³⁰ Ñuca munaimantaca imata mana ruhuanichu. Shina cashcamantami, ñucata cachac Taitapac munashcata ruhuashpa, ñuca munashcataca mana ruhuani. Taita Dios nishca shinami gentecunataca alli cashcata, mana alli cashcataca nini. Chaimantami ñuca taripashcaca chashnatac can.

SAN JUAN 5:30 Referans Kwoze

SAN JUAN 6:38

Mana ñuca munashcata ruhuangapacchu jahua pachamanta shamurcani, ashtahuanpish ñucata cachac Taita munashcata ruhuangapacmi shamurcani.

SAN JUAN 5:19

Chaimantami Jesusca: —Ñucaca Diospac Churi cashpapish, mana quiquin munaimanta ruhuanichu, ashtahuanpish ñuca Taita munashcallatami ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

SAN JUAN 14:10

¿Manachu ñucaca Taitahuan, Taitaca ñucahuan shuclla cashcataca cringui? Ñucaca, mana ñuca munaimantachu rimani, ashtahuanpish ñuca Taita ñucapi cashpami, pai munashcata ruhuachicun.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

SAN JUAN 8:28

Chaimantami Jesusca: —Runa Tucungapac shamushca ñucata chacatashpami, ñuca pi cashcata, ñuca munaimanta imatapish mana ruhuac cashcata, ashtahuanpish ñuca Taita yachachishcata nic cashcata yachanguichic.

ROMANOS 15:3

Cristopish mana quiquinlla alli canata munarcachu, ashtahuanpish Dios quillcachishcapica: «Canta camishpa rimashpaca, ñucatami riman» nishcami.

SAN JUAN 8:50

Gentecuna ñucata alli nichunca mana munanichu, ashtahuanpish ñuca Taitata alli nichunmi munan. Paillami taripanga.

SAN JUAN 8:42

Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

SAN JUAN 17:4

Ñucaca cai pachapica canta jatunyachishcanimi, shinallatac imata ruhuachun nishcatapish tucuchishcanimi.

SALMOS 96:13

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

SAN JUAN 18:11

Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

ROMANOS 2:5

Can sinchi shungu tucushpa, Diosman mana cutirishpaca, Dios yallita piñarishpa taripana punzhapacmi llaquita ashtahuan mirachicungui. Diosca cashcata ruhuashpami,

ROMANOS 2:2

Diosca chashna ruhuaccunataca cashcata ruhuashpami taripanga. Chaitaca yachanchicmi.

ISAÍAS 28:6

Paica allita ricushpa mandaccunamanca cashcata ruhuana yuyaitami cunga. Llacta pungupi cuidac soldadocunataca yallitami sinchiyachinga.

SOFONÍAS 3:15

Mandac Diosca cancunata mana llaquichingachu. Cancunata piñaccunatapish llucchishpa cachashcami. ¡Israelcunata jatun Mandac Diosca cancunapac chaupipimi! ¡Jaicapi ima llaquita mana manchanguichicchu!