SAN JUAN 5:25 - Dios Rimashcata Quillcashcami

²⁵ Huañushcacuna Diospac Churi rimashcata uyana pachaca chayamucunmi. Chaita, cunanllatacmi. Chaita uyaccunaca causaita charingami. Chaica chashnatacmi can.

Nuevo Testamento en Quichua Cañar 1996

²⁵ Huañushca shina causaccuna Diospac Churi rimashcata uyana pachaca, ña chayamucunmi. Chaita uyana pachaca cunanllatacmi. Chaita uyaccunaca causaita charingami. Chaica chashnatacmi can.

SAN JUAN 5:25 Referans Kwoze

SAN JUAN 5:28

Tucui huañushcacuna ñuca rimashcata uyana pachami chayamucunmi. Chaimanta ama cai nishcata uyashcallamanta mancharichicchu.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

EFESIOS 2:5

Chashna cuyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Dios cuyashcallamantami, cancunaca quishpirishca canguichic.

SAN JUAN 4:23

Diosta ima shina mañana cashca shina mañana punzhacuna chayamucunmi, cunanllatacmi chai punzhaca. Diospac Espíritu yuyaita cucpimi, Dios ima shina cashcata yachashpa mañanga. Chashna mañaccunatami Diosca munan.

APOCALIPSIS 3:1

Sardis pueblopi cac tandanacushca criccunata ricuc angelman quillcai: “Diospac canchis Espirituta shinallatac canchis lucerota charicucca: Ñucaca can imata ruhuacushcata, shinallatac causacunimi nicushpapish huañushca shina cashcataca yachanimi.

SAN JUAN 8:47

Maijanpish Diospac huahua cashpaca, pai rimashcatami uyasha nin, ashtahuanpish cancunaca mana Diospac huahua cashpami, pai rimashcataca mana uyashun ninguichic— nirca.

COLOSENSES 2:13

Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Diosca juchacunata perdonashpami, Jesucristohuan pacta causachirca.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

ROMANOS 6:4

Diosca, paipac poderhuanmi Cristota huañushcacunapuramanta causachirca, chai shinallatacmi ñucanchicpish mushuc causaita causangapac bautizarircanchic. Shinallatac Cristo huañushca shina huañungapac, pai enterrarishca shina enterraringapacmi bautizarircanchic.

SAN JUAN 8:43

¿Ima nishpatac ñuca rimashcataca mana entendinguichic? Ñuca rimashcata mana uyashun nishpami, mana entendinguichic.

SAN JUAN 5:21

Ima shinami ñuca Taitaca huañushcacunata causachishpa, causaita cun, chashnallatacmi paipac Churi ñucapish maijanman causaita cusha nishpaca cuni.

SAN LUCAS 15:24

Ñuca churica, huañushcami carca, causarishcami. Chingarishcami carca, cunanca cutimushcami” nirca. Chashnami yallita cushicui callarirca.

SAN LUCAS 9:60

Chashna nicpimi Jesusca: —Huañushcacuna huañushcacunata enterrachun saqui. Canca, Dios mandacucmanta alli huillaita huillangapac shamui— nirca.

SAN JUAN 4:21

Jesusca chai huarmitaca: —Mana cai urcullapi, mana Jerusalenllapi Diosta mañana punzhacuna chayamucunmi. Chaitaca crinami cangui.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN JUAN 17:1

Chaicunata nishca quipa Jesús jahua pachata huichailla ricushpaca: —Ñuca Taitalla, ñucata japichina pachaca ñami chayamushca. Chaimanta cambac Churi canta jatunyachichun, cambac Churitapish jatunyachiyari.

SAN JUAN 13:1

Pascua fiesta punzhacuna manarac chayacpimi, Jesusca cai pachamanta paipac Taitapacman rina horas chayashcata yacharca. Cai pachapica paita caticcunataca yallitami Jesusca cuyarca. Shinami tucuringacaman cuyarca.

SAN JUAN 6:60

Jesús chashna yachachishcata tauca paita caticcuna uyashpaca: —Cai yachachishcacunaca sinchimi. ¿Pitac caitaca entendingayari?— ninacurca.

SAN JUAN 9:27

Shina nicpimi paica: —Ña huillanica, ¿manachu uyarcanguichic? ¿Cutinchu huillachun ninguichic? ¿Cancunapish paita caticcunachu tucushun ninguichic?— nirca.