SAN JUAN 5:15 - Dios Rimashcata Quillcashcami

¹⁵ Chai alliyashca runa rishpa, mandac israelcunaman huillashpaca: “Jesusmi alliyachirca” nishpami huillarca.

Nuevo Testamento en Quichua Cañar 1996

¹⁵ Chaimanta chai runa rishpaca, mandac israelcunamanmi: “Jesusmi alliyachirca” nishpa huillarca.

SAN JUAN 5:15 Referans Kwoze

SAN JUAN 4:29

—Shamuichic, shuc runata ricunguichic. Paica tucui ñuca imata ruhuashpa causacushcatami huillan. ¿Manachu paica Cristo canga?— nirca.

SAN JUAN 9:34

Shina nicpimi paicunaca: —Canca juchasapami huacharircangui. ¿Chashna cashca jahuachu ñucanchicta yachachisha ningui?— nirca. Chashna nishpami, paitaca tandanacuna huasimanta llucchishpa cacharca.

SAN JUAN 9:30

Shina nicpimi, chai runaca: —Cancuna pai maimanta shamushcata mana yachanaca shuc mancharinami. Paimi ñuca ñahuita alliyachirca.

SAN JUAN 9:25

Shina nicpimi paica: —Chai runa, juchayuc cashcata, mana juchayuc cashcata mana yachanichu, ashtahuanpish ñuca ñahuita alliyachicpi, cunan ricucushcallatami yachani— nirca.

SAN JUAN 9:15

Fariseocunaca ima shina alliyashcatami tapurca. Shina nicpimi paica: —Turutami ñahuipi llutarca. Quipaca jahuarircanimi. Cunanca ñami ricucuni— nirca.

SAN JUAN 5:12

Shina nicpimi paicunaca: —¿Pitac: “Huandumushcata apashpa rilla” nircayari?— nirca.

SAN JUAN 1:19

Juan pi cashcata yachangapacmi Jerusalén pueblomanta curacunatapish, curacunata ayudac levitacunatapish tapuchun cacharca.

MARCOS 1:45

Ashtahuanpish chai runaca, ima shina alliyashcataca tucuimanmi parlai callarirca. Chaimantami Jesusca mai pueblomanpish mana yaicui pudishpa, shitashca pambacunapi puricurca. Shina cacpipish, tucui llactacunamantami paipacman shamuc carca.

SAN JUAN 5:10

Chaimantami mandac israelcunaca chai alliyashca runataca: —Cunanca samana punzhami. Canta huandumushcataca mana apanachu cangui— nirca.

SAN JUAN 5:16

Samana punzhapi alliyachishcamantami mandac israelcunaca Jesusta piñai callarirca.

SAN JUAN 5:18

Chaimantami mandac israelcunaca Jesusta huañuchinata munarca. Mana samana punzhapi alliyachishcallamantachu piñai callarircacuna, ashtahuanpish “ñuca Taitaca Diosmi” nishpa Dios tucushcamantami ashtahuan piñashpa, huañuchisha nicurca.