SAN JUAN 5:14 - Dios Rimashcata Quillcashcami

¹⁴ Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

Nuevo Testamento en Quichua Cañar 1996

¹⁴ Chai q'uipami, Diosman mañana huasipi chai runahuan Jesús tupashpaca: —Uyai, cunanca ña alli tucushcami cangui. Ama ashtahuan juchallinguichu. Chashna juchallishpaca, ashtahuanmi llaquita apangui— nirca.

SAN JUAN 5:14 Referans Kwoze

SAN JUAN 8:11

Shina nicpimi, chai huarmica: —Amito, mana pi juchanchircachu— nirca. Shina nicpimi Jesusca: —Ñucapish mana juchanchinichu. Rilla, cutinca ama juchallinguichu— nirca.]

SALMOS 118:18

Mandac Dios ñucata sinchita llaquichishpapish, mana huañuchun saquircachu.

NEHEMÍAS 9:28

Ashtahuanpish ña alli causacushpaca, cutinmi cambac ñaupapi mana allita ruhuarcacuna. Chaimantami piñaccunapac maquipi churarcangui. Chashna churacpimi, paicunaca llaquichishpa, mandashpa charirca. Paicunaca cutinmi canta mañarcacuna. Jahua pachamantami uyarcangui, can llaquic cashcamantaca, cutinmi cacharichircangui.

SAN MATEO 12:45

Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.

LEVÍTICO 26:27

Chashna tucucpipish, manallatac cazushpa, millaita ruhuashpa caticpica,

MARCOS 2:5

Tucui shunguhuan crishcata ricushpami Jesusca: —Huahua, cambac juchacunataca ña perdonanimi— nirca.

ISAÍAS 38:20

Mandac Diosmi quishpichinga. Chaimantami punzhanta tucui causaipi Mandac Diospac huasipi arpapi tocashpa, paita cantacunchiclla» nishpami quillcarca.

SALMOS 27:6

Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.

SAN JUAN 5:5

Chaipica, quimsa chunga pusac huatata ungushca shuc runami tiyarca.

2 CRÓNICAS 28:22

Ashtahuanpish jatun mandac Acazca chai huatacunapi yallita llaqui tucucushpapish, Mandac Diosta llaquichishpami ashtahuan juchata ruhuarca.

SALMOS 9:13

Mandac Dioslla, ñucata llaquiyari. Ñucata piñaccuna llaquichicuctaca ricuiyari. Ñucataca huañuna pungumanta quishpichiyari.

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

LEVÍTICO 7:12

Mandac Diosta pagui nishpa, ofrendata cushpaca, aceitehuan masashca levadura illac tortatapish, aceitepi satishca levadura illac galletatapish harinahuan aceitehuan chapushpami cuna can.

ISAÍAS 38:22

Shina nicpimi, Ezequiasca Isaiastaca: —¿Imata ricushpatac Mandac Diospac huasiman rishayari?— nirca.

SAN JUAN 5:13

Alliyashca runaca pi alliyachishcata mana yacharcachu. Chaica, Jesusca achca gentecunapurapimi carca.

LEVÍTICO 13:20

Chaitaca curallatacmi allita ricunga. Shina ricucpica, llullu aichacaman sisu, chai sisupi millma yuracyashca cacpica, curallatacmi: “Mapa ungüimi” ninga. Chai punguica lepra ungüimi.

SALMOS 18:22

Pai yachachishcacunataca yuyaipimi charini. Pai quillcashpa mandashcamantaca mana anchurishcanichu.