SAN JUAN 4:42 - Dios Rimashcata Quillcashcami

⁴² Chaimantami chai huarmitaca: —Cunancarin mana can huillashcallamantachu crinchic, ashtahuanpish ñucanchicllatacmi pai ima nishcataca uyashcanchic. Chaimantami cai pachapi causaccunata quishpichingapac shamushcata yachanchic— nirca.

Nuevo Testamento en Quichua Cañar 1996

⁴² Chaimantami chai huarmitaca: —Cunancarin mana can huillashcallamantachu crinchic, ashtahuanpish ñucanchicllatac pai ima nishcataca uyashcanchic. Chaimantami cai pachapi causaccunata quishpichingapac shamushca cashcatatac yachanchic— nircacuna.

SAN JUAN 4:42 Referans Kwoze

1 JUAN 4:14

Ñucanchicllatacmi Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

1 TIMOTEO 4:10

Diosca causacmi, tucui cai pachapi causaccunata Quishpichicmi, ashtahuancarin paipi shunguta churaccunatami quishpichin. Chaimantami maijancuna piñacpipish, llaquita apashpa paipactaca ruhuashpa caticunchic.

2 CORINTIOS 5:19

Diosca gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dios-huan alli tucunata huillaccuna cachunmi, ñucanchicman mingarca.

HECHOS 4:12

Cai pachapi causaccunata quishpichichunca, Jesusllatami Diosca cacharca. Ñucanchicta quishpichicca, pi shuctac mana tiyanchu— nirca.

SAN JUAN 17:8

Can huillachun nishcata huillarcani. Paicuna chasquishpami, ñucataca Dios cachashcata yachac chayashpa crincuna.

SAN JUAN 4:29

—Shamuichic, shuc runata ricunguichic. Paica tucui ñuca imata ruhuashpa causacushcatami huillan. ¿Manachu paica Cristo canga?— nirca.

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

SAN JUAN 11:17

Jesusca Lazarota ña chuscu punzhata enterrashca cacpimi chayarca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

SAN JUAN 4:41

Jesús ima nishcata uyashpacarin, achca gentecunami crirca.

HECHOS 5:31

Chashnami Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Diosman cutiricpi, juchacunata perdonangapacmi chashnaca ruhuarca.

HECHOS 13:23

Israelcunata quishpichichunca, Davidpac huahua huahuacunapuramantami Dios cusha nishca shina, Jesustaca curca.

1 JUAN 2:2

Jesucristoca Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchicpac juchacunallamanta ashtahuanpish tucui cai pachapi causaccunapac juchata perdonachunmi huañurca.