SAN JUAN 4:15 - Dios Rimashcata Quillcashcami

¹⁵ Shina nicpimi, chai huarmica: —Amito, ama cutin cai jundumanta yacuta apac shamungapac, ama cutin yacunayachingapac chai yacuta cuiyari— nirca.

Nuevo Testamento en Quichua Cañar 1996

¹⁵ Shina nicpi chai huarmica: —Shinashpaca amito, ama cutin cai jundumanta yacuta apac shamungapac, shinallatac ama cutin yacunachingapacpish, chai yacuta cuiyari— nirca.

SAN JUAN 4:15 Referans Kwoze

SAN JUAN 6:34

Chaimantami paicunaca: —Shinashpaca, chai tandata punzhanta caraiyari— nirca.

ROMANOS 8:5

Jucha munashcata ruhuaccunaca, jucha munashca shina causanatami munancuna. Ashtahuanpish Diospac Espíritu yuyaita cushca causaccunaca, Diospac Espíritu munashca shina causanatami munancuna.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

SAN JUAN 6:26

Shina tapucpimi Jesusca: —Cancunaca mana milagrocunata ruhuashcamantachu mashcacunguichic, ashtahuanpish mana nicta micushcallamantami mashcacunguichic. Chaica chashnatacmi can.

SALMOS 4:6

Taucacuna rimashpaca: «¿Pitac allita ruhuashpa ricuchingayari?» nincunami. Mandac Dioslla, cambac ñahuihuan ñucanchicta achicyachiyari.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

SANTIAGO 4:3

Imata mañashpapish, mana allita ruhuashpa tucuchingapaclla mana alli munaihuan mañashcamantami, mana japinguichic.

1 CORINTIOS 2:14

Diospac Espirituta mana charicca Espíritu cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

SAN JUAN 4:16

Shina nicpimi Jesusca: —Ri, cambac cusata cayamugri— nirca.

SAN JUAN 6:35

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.