SAN JUAN 3:20 - Dios Rimashcata Quillcashcami

²⁰ Tucui mana allita ruhuaccunaca, paicunapac mana allita ruhuashcacuna ama achicman ricurichunmi, Achicyachictaca piñancuna.

Nuevo Testamento en Quichua Cañar 1996

²⁰ Tucui mana allita ruhuaccunami Achicyachictaca p'iñancuna. Paicunapac mana allita ruhuashcacuna ama achicman ricurichunmi, mana cuchuyashun nincuna.

SAN JUAN 3:20 Referans Kwoze

SAN JUAN 7:7

Cai pacha gentecunaca cancunataca mana piñanchu, ashtahuanpish paicuna mana allita ruhuashcata ñuca huillashcamantami, ñucataca piñancuna.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

PROVERBIOS 1:29

Alli yachaita piñashpami, Mandac Diosta mana manchasha nircacuna.

SALMOS 50:17

Ñuca cunacpipish piñaringuimi. Ñuca rimashcatapish mana uyasha nishpa saquinguimi.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

PROVERBIOS 15:12

Burlashpa asic runaca paita cunactaca piñanmi. Yachaisapacunahuanca mana tandarinchu.

PROVERBIOS 5:12

Chashna Llaquirishpa pacta: “¡Ima nishpatac yuyaita cushcatapish, cunashpa rimashcatapish ñuca shungupi mana huacaichircani!

SAN LUCAS 11:45

Chashna nicpimi, mandashcacunata yachachiccunapuramanta shuc runaca: —Yachachic, can chashna nishpaca, tucui ñucanchictapish rimashcanguimi— nirca.

PROVERBIOS 2:13

Chai runacunaca amsa ñanta puringapacmi alli ñancunataca saquincuna.

JEREMÍAS 9:6

Tucuita Mandac Diosca: «Can Jeremiasca llullaccunapac chaupipimi causangui. Paicunaca llullac cashpami, ñucata mana ricsisha» ninmi. Chaitaca Mandac Diosmi nin.

SAN JUAN 3:21

Cashcata ruhuashpa causaccunaca, Diosllatac ruhuachicushcata yachachunmi, achicman cuchuyancunalla— nirca.

2 SAMUEL 13:9

Chai quipaca tortata sartendi apashpami, micuchun paiman curca. Shina cucpipish, mana micusha nishpami Amnonca: “Tucui caipi caccunata canzhaman llucshichun ni” nirca. Shina nicpimi, tucui gentecuna llucshirca.

1 REYES 3:20

Chaimantami paica chaupi tuta jatarishpa, canta servic ñuca sueñucucllapitac ñuca huahuataca japishpa paipac ladopi churashca carca. Shinallatac paipac huahua huañushcataca ñuca ladopimi churashca carca.

PROVERBIOS 16:30

Maijanpish ñahuita quimllashpaca mana allita ruhuanatami yuyaricun. Maijanpish shimita huichcashpaca mana allitami ruhuashca.