SAN JUAN 19:15 - Dios Rimashcata Quillcashcami

¹⁵ Shina nicpipish paicunaca: —¡Chacatailla, chacatailla!— nishpami caparircacuna. Shina caparicpimi Pilatoca: —¿Cancunata Jatun Mandactachu chacatachun ninguichic?— nirca. Shina nicpimi, curacunata mandac curacunaca: —Jatun mandac Cesarllatami charinchic. Shuctac mandactaca mana charinchicchu— nirca.

Nuevo Testamento en Quichua Cañar 1996

¹⁵ Shina nicpipish paicunaca: —¡Chacatashpa huañuchilla!— nishpami, cutin cutin caparircacuna. Shina caparicpi Pilatoca: —¿Cancunata Jatun Mandactachu chacatachun ninguichic, imatacyari?— nishpa tapurca. Shina nicpi, curacunata mandac curacunaca: —Ñucanchicca jatun mandac Cesarllatami charinchic. Shuctac mandactaca mana charinchicchu— nircacuna.

SAN JUAN 19:15 Referans Kwoze

SAN LUCAS 23:18

Tucui chaipi caccunaca shuc shinalla caparishpaca: —¡Chai Jesustaca huañuchilla! ¡Barrabasta cachari!— nishpa caparirca.

HECHOS 22:22

Pablo chaita ningacamanllami uyarcacuna. Quipata piñarishpaca: “¡Cai runaca mana causanachu can, ashtahuanpish huañunami can!” nishpa caparirca.

HECHOS 21:36

Chai tucui caticcunaca: “¡Pabloca huañunami can!” nishpami caticurca.

SAN JUAN 19:6

Chaita curacunata mandac curacunapish, Diosta mañana huasita cuidaccunapish ricushpaca: —¡Paitaca chacatailla, chacatailla!— nishpami caparircacuna. Shina caparicpimi Pilatoca: —Ñucaca paipica ima juchata mana tarinichu. Cancunallatac apashpa chacatagrichic— nirca.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SAN JUAN 18:31

Chaimanta Pilatoca: —Cancunapac mandashcapi nishca shina, taripashpa llaquichingapac apaichic— nirca. Shina nicpimi, mandac israelcunaca: —Ñucanchicca mana pita huañuchinallachu canchic— nirca.

SAN MATEO 22:17

Canca, ¿imatatac ningui? ¿Roma llactata jatun mandac Cesarman impuestota paganachu canga? Mana cashpaca, ¿manachu pagana canga?— nishpa tapurca.

HECHOS 13:28

Paicuna Jesusta imamanta mana huañuchi pudishpaca, mandac Pilato huañuchichunmi mañarcacuna.