SAN JUAN 18:36 - Dios Rimashcata Quillcashcami

³⁶ Shina nicpimi Jesusca: —Ñuca mandanaca mana cai pachapichu. Cai pachapi mandana cacpica, ñucata caticcuna macanacushpa, israelcuna japichun mana saquinmanchu. Ñuca mandanaca mana caipichu— nirca.

Nuevo Testamento en Quichua Cañar 1996

³⁶ Shina nicpi Jesusca: —Ñuca mandanaca mana cai pachapichu. Cai pachapi mandana cacpica, ñucata c'aticcunaca macanacushpa, israelcuna japichunca mana saquinmanchu. Ñuca mandanaca mana caipichu— nirca.

SAN JUAN 18:36 Referans Kwoze

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

SAN JUAN 6:15

Jesusca gentecuna jatun mandac cachun pushagricushcata yachashpami, cutinllatac urcupi pailla cangapac rirca.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

1 TIMOTEO 6:13

Cantaca tucui cai pachapi causaita cuc Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

SAN MATEO 26:53

Ñuca Taitaman huaranga huaranga angelcunata ñucata cuidachun mañacpica, cunanllatacmi cachanman. Chaitaca, ¿manachu yachangui?

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN LUCAS 12:14

Shina nicpimi Jesusca: —Uyai, ¿pitac ñucataca cancunapac juez cachun, imata raquic cachun churarca?— nirca.

SAN JUAN 8:15

Cancunaca gentecuna yuyashca shinami juchanchinguichic. Ashtahuanpish ñucaca pita mana juchanchinichu.

SAN JUAN 18:35

Shina nicpimi Pilatoca: —¿Ñucaca Israel runachu cani? Cambac llacta gentecunallatacmi curacunata mandac curacunahuan ñucapacman apamurca. ¿Imatatac ruhuarcanguiyari?— nirca.