SAN JUAN 18:10 - Dios Rimashcata Quillcashcami

¹⁰ Chaimantami Simón Pedroca paipac espadata llucchishpa, jatun mandac curata servic Malco runapac alli lado ringrita huactashpa pitirca.

Nuevo Testamento en Quichua Cañar 1996

¹⁰ Chaimantami Simón Pedroca pai charicushca espadata llucchishcahuan, Malco runapac alli lado rinrita huactashpa p'itirca. Paica curacunata jatun mandac curata servicmi carca.

SAN JUAN 18:10 Referans Kwoze

MARCOS 14:47

Ashtahuanpish chaipi caccunapuramanta shucca espadata llucchishpami, curacunata jatun mandac curapac servictaca huactashpa, ringrita pitirca.

SAN JUAN 18:26

Cutinllatacmi curacunata jatun mandacpac servicca: —¿Manachu cantapish Jesus-huan ricurcani?— nirca. Paica Pedro ringrita pitishca runapac aillumi carca.

SAN LUCAS 22:33

Chaimantami Pedroca: —Apunchic Jesús, canta carcelman apacpipish, canhuanmi risha. Huañuna cacpipish, canhuanmi huañusha— nirca.

MARCOS 14:30

Shina nicpimi Jesusca: —Cunan tutallatacmi gallo manarac ishcai cutin cantacpi, ñucataca quimsa cutin negangui. Chaica chashnatacmi canga— nirca.