SAN JUAN 17:8 - Dios Rimashcata Quillcashcami

⁸ Can huillachun nishcata huillarcani. Paicuna chasquishpami, ñucataca Dios cachashcata yachac chayashpa crincuna.

Nuevo Testamento en Quichua Cañar 1996

⁸ Can huillachun nishcata ñuca huillacpica, paicunaca chasquircacunami. Shinallatac Taita Diosmantatac ñuca shamushcata yachac chayashpami, can cachashcata crincuna.

SAN JUAN 17:8 Referans Kwoze

SAN JUAN 17:14

Can rimashcata paicunaman huillashcanimi. Chaimantami cai pachapac caccunaca paicunata piñancuna. Paicunaca ña mana cai pachamantachu, ñucapish mana cai pachamantachu cani.

SAN JUAN 15:15

Servicca amo imata ruhuacushcata mana yachanchu. Chaimantami cancunataca mana serviccuna nishpaca, cayani. Tucui ñuca Taita nishcacunatami cancunaman huillashcani, chaimantami cancunataca ñuca amigocuna nishpa cayani.

SAN JUAN 16:30

Cunanmi can tucuita yachac cashcata yachanchic. Pipish manarac tapucpimi, canca yachangui. Chaimantami cantaca Diosmanta shamushca cashcata crinchic— nirca.

SAN JUAN 16:27

ashtahuanpish ñuca Taitallatacmi cancunataca cuyan. Chaica, ñucata cuyashcamanta, ñuca Diosmanta shamushca cashcata crishcamantami chashna cuyan.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

1 JUAN 4:14

Ñucanchicllatacmi Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

SAN JUAN 8:42

Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

SAN JUAN 14:10

¿Manachu ñucaca Taitahuan, Taitaca ñucahuan shuclla cashcataca cringui? Ñucaca, mana ñuca munaimantachu rimani, ashtahuanpish ñuca Taita ñucapi cashpami, pai munashcata ruhuachicun.

SAN JUAN 12:49

Mana ñuca munaimantachu rimacuni, ashtahuanpish ñucata cachac Taita imata mandashcallatami huillashpa rimani.

SAN JUAN 6:68

Shina nicpimi, Simón Pedroca: —Apunchic Jesús, ¿pipacmantac rishunyari? Cambac rimashca shimicunaca, huiñai causaita cucmi.

PROVERBIOS 1:3

shinallatac cazungapac, yachacungapac, cashcata ruhuangapac, allita ruhuangapac, pacta pacta ruhuanata yachacungapac,

1 TESALONICENSES 4:1

Cuyashca criccuna, ñucanchic yachachishca shina Dios munashcata ruhuashpa causaichic. Shinallatac punzhanta Dios munashca shina causachunmi Apunchic Jesuspac shutipi mañanchic.

1 CORINTIOS 15:1

Cuyashca criccuna, ñuca alli huillaita huillashcata yuyarichunmi munani. Chai huillaita chasquishpami, mana saquishpa catiracunguichic.

SAN JUAN 17:23

Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami cuyangui, chashnallatac paicunatapish cuyac cashcata yachangacuna.

SAN JUAN 17:18

Ima shinami cai pacha gentecunapacman cacharcangui, chashnallatacmi paicunatapish cai pacha gentecunapacman cachacuni.

SAN MATEO 13:11

Chashna tapucpimi Jesusca: —Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu.

PROVERBIOS 8:10

Cullquipac randica, ñuca yachachishcata chasquichic. Alli curipac randica, alli yachanata mashcaichic.

1 CORINTIOS 11:23

Cancunaman yachachishcataca, Apunchic Jesusmantami chasquircani. Apunchic Jesusca paita japichina tutallatacmi tandata japishpa,

SAN JUAN 3:33

Maijanllapish pai huillashcata chasquicca, Diosca cashcata nic cashcatami ricuchin.

SAN JUAN 3:17

Diosca mana cai pachapi causaccunata llaquiman cachachunchu paipac churitaca cacharcachu, ashtahuanpish cai pachapi causaccunata quishpichichunmi cacharca.

PROVERBIOS 1:23

¡Ñuca rimashcata uyashpa cutimuichicyari! ¡Riqui, ñuca rimashcacunata yachacuchunmi munani! ¡Cancunapac jahuapica ñuca Espiritutami tallic shina cachasha!

PROVERBIOS 4:10

Ñuca huahualla, ñuca yuyaita cushpa rimashcacunata chasquingui. Shina chasquicpica, can causana huatacunatami mirachinga.

PROVERBIOS 2:1

Ñuca huahualla, ñuca rimashcacunata chasquishpa, ñuca mandashcacunata shungupi huacaichishpa,

DEUTERONOMIO 18:18

Cancunapac huauquipuramanta can shina ñucamanta huillacta cachashami. Paipac shimipi ñuca rimaicunata churacpimi, paica tucuita huillanga.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.