SAN JUAN 16:33 - Dios Rimashcata Quillcashcami

³³ Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

Nuevo Testamento en Quichua Cañar 1996

³³ Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

SAN JUAN 16:33 Referans Kwoze

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

1 JUAN 5:4

Diospac tucui huahuacunami cai pachapi tiyac millaicunataca mishan. Apunchic Jesusta crishpami, cai pachapi millaitaca mishanchic.

2 TESALONICENSES 3:16

Sumac causaita cuc Apunchic Jesusllatac cancunapac tucui causaipipish, imapipish sumac causaita cuchun shinallatac tucui cancunahuan cashca cachun nishpami ninchic.

1 JUAN 4:4

Cuyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

FILIPENSES 4:7

Chashna ruhuacpimi, cancuna Jesucristohuan shuclla cashcamanta, gentecuna mana entendishca Diospac sumac causaica cancunapac shungutapish, yuyaitapish huacaichinga.

1 PEDRO 5:9

Cai pachapica tucui criccunami cancuna shinallatac llaquita apacuncuna. Chaita yachashpami, Jesusta alli crishpa, diablotaca mishaichic.

SAN JUAN 14:1

Jesusca: —Ama shungupi llaquiringuichicchu, ashtahuanpish Diostapish, ñucatapish cringuichic.

2 TIMOTEO 3:12

Maijanpish Apunchic Jesus-huan shuclla tucushpa, paipaclla causanata munaccunaca llaquita apangami.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

HEBREOS 11:25

Juchata ruhuashpa, ashacamanlla cushicunapac randica, Diospac huahuacunahuan llaquita apanatami munarca.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

1 TESALONICENSES 3:7

Cuyashca criccuna chai shina huillacpimi, cai tucui llaquicunahuan cashpapish, cancuna alli crishpa caticushcata yachashpaca yallita cushicunchic.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

COLOSENSES 1:20

Diosca Cristomantami, tucui pai ruhuashcacunataca paihuan alli tucuchun chasquisha nirca. Chashnami, Jesucristo cruzpi huañushcamanta cai pachapi causaccunatapish paihuan alli tucuchun chasquirca.

2 CORINTIOS 1:3

Ñucanchic Apunchic Jesucristopac Diosca alli nishca cachun. Paica llaquic tucuita cushichic Diosmi.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa catichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc, cuyac Diosca cancunahuan canga.

1 TESALONICENSES 3:4

Ñucanchic cancunahuan cashpaca, chai llaquicunata apana cashcataca huillarcanchicmi. Chai huillashca shinami pactashca. Chaitaca ña yachanguichicmi.

GÁLATAS 6:14

Ñucaca imamantapish “allimi cani” mana ninichu, ashtahuanpish Apunchic Jesús cruzpi huañushcallamantami “alli cani” nini. Paimantami ñucamanca cai pachapacta ruhuanaca huañushca shina imapish mana can, shinallatac ñucapish cai pachapacta ruhuangapacca huañushca shinallatacmi cani.

2 CORINTIOS 7:4

Cancunahuanca shungumantami parlani. Ima shina cashcata ricushpami cai tucui llaquicunahuan cashpapish, cushicushpa ashtahuan catina yuyaita japini.

HECHOS 27:25

Dios angelman huillachishca pactanata crinimi. Chaimanta ama manchaichicchu.

MIQUEAS 5:5

¡Paimi ñucanchicmanca cushi causaita cunga! Asiriocuna ñucanchic llactaman shamushpa, mandashpa tiyana huasicunata sarunacucpica, canchis michiccunata, pusac mandaccunatami paicunata llaquichichun cachashun.

SALMOS 68:18

Mandac Dioslla, prezucunata apashpami, jahuaman rircangui. Gentecunamantapish ofrendata japircanguimi, mana cazuccunamantapish japina cashcatami japircangui. Paicunapac chaupipi mandangapacmi chashna japircangui.

GÁLATAS 1:4

Jesucristoca ñucanchic juchacunamanta huañushpami, cai millai pachamanta quishpichishpa, ñucanchic Dios munashcata pactachirca.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

SAN JUAN 12:31

Cunanmi cai pachapi causaccunaca taripashca canga. Cunanmi cai pachata mandactapish llucchishpa shitashca canga.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

HECHOS 27:22

Shina cacpipish, manchaihuan ama llaquilla caichicchu, cancunaca shucllapish mana huañunguichicchu. Barcollami ucuyanga.

SAN LUCAS 19:38

Paicuna caparishpaca: —¡Diospac shutipi shamucuc Jatun Mandacca alli nishca cachun! ¡Jahua pachapipish alli sumac cushicui cachun! ¡Diostapish alli nishca cachun!— nishpami caparirca.

HECHOS 23:11

Chai quipa tuta Apunchic Jesús ricurishpaca: «Pablo, ama manchaichu. Ima shinami cai Jerusalenpi ñucamanta huillacungui, chashnallatacmi Roma pueblopipish huillana cangui» nirca.

HEBREOS 7:2

Chaimantami Abrahamca macanacushpa quichushcacunata, chungamanta shucta Melquisedec curaman curca. Melquisedec shutica: “Cashcata ruhuac jatun mandac” nisha ninmi. Shinallatac: «Salem llactata mandac» nishcapish, “cushi causac mandac” nisha ninmi.

SAN JUAN 16:11

Cai pachata mandacta Dios ña juchanchishca cashcamantami, imami taripana cashcataca ricuchinga.

SAN MATEO 9:2

Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca perdonanimi— nirca.

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

2 CORINTIOS 6:4

Chaipac randica tucui imata ruhuashpapish, Diospacta ruhuaccuna cashcatami ricuchinchic. Chashnami llaquichicpipish, ima llaquihuan cashpapish, ima illaclla cashpapish, mana piñarishpa alli shunguhuan canchic.

1 JUAN 2:13

Taitacuna, ima manarac tiyacpi Pai ña tiyashcata cancuna ricsishcamantami, cancunamanca quillcani. Quipa huiñaicuna, diablota mishashcamantami cancunamanca quillcani.

JUECES 3:2

Manarac macanacuita yachac israelcuna yachacuchun, shinallatac huahua huahuacunaman macanacunata yachachichunmi saquirca.