SAN JUAN 16:26 - Dios Rimashcata Quillcashcami

²⁶ Chai punzhacunapica cancunallatacmi ñuca shutipi mañanguichic. Ña mana cancunamanta ñuca Taitata mañashachu,

Nuevo Testamento en Quichua Cañar 1996

²⁶ Chai punzhacunapica cancunaca ñuca shutipimi mañanguichic. Shina cacpipish, mana ñucachu ñuca Taitamanca cancunamantaca mañasha,

SAN JUAN 16:26 Referans Kwoze

ROMANOS 8:34

¿Pitac paicunataca juchanchinga? Jesucristomi ña huañurca. Paimi huañushcacunapuramanta causarishpa, Diospac alli maquiman rishpa ñucanchicmanta mañacun.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

SAN JUAN 17:19

Paicunapish cashcata nic rimashcahuan cambaclla tucuchunmi, ñucapish paicunapac allipac cambaclla tucuni.

SAN JUAN 17:9

Ñucaca paicunamantami mañani. Mana cai pachapac caccunamanta mañanichu, ashtahuanpish ñucaman cushcacunaca cambac cashcamantami paicunamanta mañani.

SAN JUAN 16:23

Chai punzhacunapica ña mana ashtahuan imata tapunguichicchu. Ñuca shutipi ñuca Taitaman mañacpica paica cungami. Chaica chashnatacmi canga.

SAN JUAN 14:16

Ñuca Taitaman mañacpica, shuctac Cushichictami cachanga. Chai Cushichicca huiñaitami cancunahuan canga.

SAN JUAN 14:20

Chai punzhami ñucaca Taitahuan shuclla cashcata, cancunaca ñucahuan, ñucaca cancunahuan shuclla cashcata yachanguichic.

SAN JUAN 16:19

Paicuna tapunata munacucta yachashpami, Jesusca: —Ñuca: “¿Asha quipaca ñucata mana ricunguichicchu, cutin asha quipami ricunguichic” nishcamantachu tapunacucunguichic?

SAN JUAN 16:30

Cunanmi can tucuita yachac cashcata yachanchic. Pipish manarac tapucpimi, canca yachangui. Chaimantami cantaca Diosmanta shamushca cashcata crinchic— nirca.