SAN JUAN 16:25 - Dios Rimashcata Quillcashcami

²⁵ Tucui caicunataca chimbapurashpallami parlarcani. Ña mana ashtahuan chimbapurashpa parlana punzha chayamucpica, ñuca Taita ima shina cashcatatacmi huillasha.

Nuevo Testamento en Quichua Cañar 1996

²⁵ Tucui caicunataca chimbapurashpallami parlarcani. Shina cacpipish, ña mana ashtahuan chimbapurashca parlohuan parlana punzha chayamucpica, ñuca Taita ima shina cashcatatacmi cancunamanca huillasha.

SAN JUAN 16:25 Referans Kwoze

SAN JUAN 16:12

Cancunaman imata ninata chariniracmi. Shina cacpipish, cunanca mana tucui entendinguichicchu.

SAN JUAN 10:6

Cai chimbapurashca parlohuan Jesús yachachishpaca, imata nisha nishcataca mana entendircacunachu.

MARCOS 4:13

Chaimantami Jesusca: —Cai chimbapurashca parlocunahuan parlashcataca, mana entendishpaca, ¿ima shinatac shuctac parlocunata yachachicpica, entendinguichicyari?

SALMOS 78:2

Ñuca rimashpaca yuyaita japina shimicunatami nigrini. Ñaupa huatacunamanta pi mana yachashca rimaicunatami huillagrini.

SALMOS 49:4

Yuyaita japina rimaicunahuan rimashcataca uyashami. Mana entendipac rimaicunataca arpapi tocashpami huillasha.

2 CORINTIOS 4:2

Pacallapi pinganayai ruhuanacunata saquishpami, pitapish mana umashpa, Dios rimashca shimitaca mana chagrushpa huillacunchic. Dios rimashca mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

SAN JUAN 16:2

Tandanacuna huasicunamanta llucchishpa cachangami. Shinallatac cancunata huañuchishpa, Diosmanmi alli ruhuanchic nina punzhami chayamunga.

PROVERBIOS 1:6

Yuyaita cuc, yachachishca rimaicunaca, yachaisapacuna rimashcatapish, yuyaita japina rimaicunatapish pi mana yachai tucushcatapish, yachangapacmi.

EZEQUIEL 20:49

Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.

MARCOS 4:34

Paicunamanca chimbapurashca parlocunallahuanmi imatapish yachachirca. Paipac yachacuccunallahuan cashpaca, ima nisha nishcatapish tucuimi entendichirca.

MARCOS 8:32

Paipac yachacuccunaman chashna canatatac huillacpimi, Pedroca paillata cayashpa, ama chashna tucuchun nishpa rimarca.

SAN JUAN 10:24

Chaipi Jesuspac muyundipi israelcuna shayarishpaca: —Can Cristo cashpaca, cunanllatac alli huillai: ¿Ima horascamantac can pi cashcata mana yachashpa puricushunyari?— nirca.

SAN JUAN 16:32

Chai punzhaca chayamun, ña caillapimi. Cancunaca ñucallata saquishpa, caita chaita ringuichic. Shina cacpipish, mana ñucallachu cani, ashtahuanpish ñuca Taitaca ñucahuanmi.