SAN JUAN 15:5 - Dios Rimashcata Quillcashcami

⁵ Ñucaca uvas yurami cani. Cancunaca ramacunami canguichic. Cancunaca ñucahuan shuc shina cashpaca alli pucuc shinami canguichic. Ñucapish shuc shinami cancunahuan casha. Ñucamanta caruyashpaca imata mana ruhuai pudinguichicchu.

Nuevo Testamento en Quichua Cañar 1996

⁵ Ñucaca uvas yura shinami cani. Cancunaca ramacuna shinami canguichic. Maijanpish ñucahuan cacpica, ñucapish paihuanmi cani. Chashna cacpimi, paica allita p'ucunga. Ñucahuan mana cashpaca, imatapish mana ruhuai pudinguichicchu.

SAN JUAN 15:5 Referans Kwoze

FILIPENSES 4:13

Imatapish ruhuaclla Cristohuanca tucui imatapish ruhuai pudini.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

SAN JUAN 15:16

Mana cancunachu ñucataca acllarcanguichic, ashtahuanpish ñucami cancunataca acllarcani. Cancuna rishpaca, allita, huiñaita pucuc yura shina causaichic, Shina causashpa, ñuca shutipi imata mañacpica, ñuca Taitaca cungallami.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

PROVERBIOS 11:30

Cashcata ruhuac runaca causaita cuc yura shinami. Alma quishpirichun huillac runaca yachaisapami.

2 CORINTIOS 13:8

Cashcata nic huillashcapac imapish mana allicunataca mana ruhuai pudinchicchu, ashtahuanpish cashcata nic huillashcapac imapish allillatami ruhuai pudini.

SAN JUAN 5:19

Chaimantami Jesusca: —Ñucaca Diospac Churi cashpapish, mana quiquin munaimanta ruhuanichu, ashtahuanpish ñuca Taita munashcallatami ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

SAN JUAN 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa, huañushpaca achcatami pucun. Chaica chashnatacmi can.

ROMANOS 7:4

Cuyashca criccuna, chai shinallatacmi mana mandashcacuna mandashca causangapac Cristohuan pacta huañushca canguichic. Cunanca Diospacta ruhuangapacmi, huañushcacunapuramanta causaric Jesucristopac canguichic.

FILIPENSES 1:11

Cancuna Jesucristollamanta alli grano pucuc shina allita ruhuacpimi, Diostaca “allimari cangui, sumacmari cangui” ningacuna.

SAN JUAN 9:33

Chai runa mana Diosmanta shamushca cashpaca, imatapish mana ruhuanmanchu— nirca.

FILIPENSES 4:17

Cancuna ima cushcata chasquinallataca mana yuyanichu, ashtahuanpish cancuna carashcamantaca Diospac ñaupapi ashtahuan charichunmi munani.

ROMANOS 6:22

Cunan juchamanta Dios cacharichicpica, paita serviccunami canguichic. Chaimantaca Diospaclla chicanyarishpa, huiñai causaitami japircanguichic.

HECHOS 4:12

Cai pachapi causaccunata quishpichichunca, Jesusllatami Diosca cacharca. Ñucanchicta quishpichicca, pi shuctac mana tiyanchu— nirca.

1 CORINTIOS 12:12

Cuerpoca shuclla cashpapish, chican chican partecunatami charin. Chashnallatacmi Cristopac cuerpomanta nishpapish shuclla can.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina cacpipish, Diosmanca achca valic acllashca rumimi can.

1 CORINTIOS 12:27

Cancunaca Cristopac cuerpo shina cashpami, chican chican partecuna canguichic.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

2 CORINTIOS 9:10

Muyutapish tarpuchun cuc, micunatapish carac Diosllatacmi cancunamanca tucui ima illashcataca cunga. Shinallatac cancuna shuccunaman carachunmi allpapipish achcata pucuchinga. Cancuna cashcata ruhuashcaca mirachishcami canga.

COLOSENSES 1:6

Cai alli huillaimi alli grano pucuc shina, tucui llactacunapi mirarishpa caticun. Cancunapipish Diospac cuyaimanta parlanacucta uyashpami, Dios yallita cuyac cashcata yachashca punzhamanta pacha mirarishpa caticunguichic.

ROMANOS 12:5

Chai shinallatacmi ñucanchicca tauca cashpapish, Cristohuan shuc shinalla canchic. Shinallatac tucui ñucanchicpish shuc cuerpo shinallami canchic.

1 CORINTIOS 10:16

Dios cushca vinota ubiashpa, Diosta pagui nishpaca, ¿manachu Cristopac yahuarhuan shuc shinalla tucunchic? Tandata micushpaca, ¿manachu Cristopac cuerpohuan shuc shinalla tucunchic?

OSEAS 4:8

Curacunaca ñuca acllashcacuna juchamanta ofrendata cushcacunahuanmi causancuna. Chaimantami ashtahuan juchallichun munancuna.

SAN MATEO 13:21

Chaica, mana shungupi sapiyashca cashpami, llaquicuna japicpi, mana cashpaca alli huillaita chasquishcamanta piñacpica cutirinlla.