SAN JUAN 15:15 - Dios Rimashcata Quillcashcami

¹⁵ Servicca amo imata ruhuacushcata mana yachanchu. Chaimantami cancunataca mana serviccuna nishpaca, cayani. Tucui ñuca Taita nishcacunatami cancunaman huillashcani, chaimantami cancunataca ñuca amigocuna nishpa cayani.

Nuevo Testamento en Quichua Cañar 1996

¹⁵ Amopacta ruhuacca amo imata ruhuacushcata mana yachanchu. Chaimantami serviccunalla nishpaca, mana cancunataca c'ayani. Ñuca Taita tucui ima nishcacunata ñuca cancunaman huillashcamantami, ñucahuan apanacuccuna nishpa cancunataca c'ayani.

SAN JUAN 15:15 Referans Kwoze

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

SAN MATEO 13:11

Chashna tapucpimi Jesusca: —Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu.

SANTIAGO 2:23

Chashnami Dios quillcachishcapi: «Abrahamca Diosta crircami. Chashna crishcamantami Diosca paihuan alli tucuchun chasquirca» ninmi. Chaimantami Abrahamtaca Diosca «ñucahuan apanacucmi cangui» nishca pactarca.

COLOSENSES 1:26

Chai huillasha nicushcataca, ñaupa huatacunamanta pachami cancunamanca pacashpa charicushca. Shina cacpipish cunanmi paipaclla caccunamanca huillashca.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Diosca Jesús acllashca huillaccunaman, Pai acllashca huillaccunamanpish ricuchishca.

EFESIOS 1:9

pai munashcamanta ñaupaman cusha nishca pacashcataca, Cristomanta ñucanchic japichun ricuchirca.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

GÁLATAS 4:6

Ñucanchic ña paipac huahuacuna cacpica, Diosca paipac Churipac Espiritutami ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

SAN JUAN 12:26

Maijanpish ñucata servisha nicca ñucata catichun. Ñucata servicca maipimi ñuca cani, chaipimi canga. Maijanpish ñucata servictaca ñuca Taitami alli ninga.

SAN JUAN 8:26

Cancunata juchanchishpa, tauca ninacunatami charini. Shina cashpapish ñucata Cachacca imatapish cashcatami nin. Ñucaca pai imata nishcallatami nini— nirca.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

1 PEDRO 1:11

Cristopac Espiritumi Diosmanta ñaupa huillaccunamanca Cristo llaquita apashpapish, quipaman sumacyachishca canataca utcashpa ña huillarca. Paicunahuan cac Cristopac Espíritu chashna yuyaita cucpimi, paicunaca ima punzha ima shina tucuna cashcata yachac chayanata munarcacuna.

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.

FILEMÓN 1:16

Cunanca ña mana cambac randishca runa shinachu, ashtahuanpish Jesusta crishcamantaca shuc cuyashca huauqui shinami ñucamanca tucushca. Cancarin yallimari cuyana cangui. Mana shuc yanga runalla shinachu cuyana cangui, ashtahuanpish Apunchic Jesusta cric cashcamantami, ashtahuan cuyana cangui.

SAN JUAN 17:26

Can ñucata cuyac shinallatac paicunapish cuyanacuchun, shinallatac ñucahuan shuc shinalla cachunmi, can rimashcacunataca ricsichini, shinallatac ricsichishpa catishami— nirca.

SAN JUAN 15:20

Ñuca: “Shuc servicca mana amota yallichu” nishcata yuyarichic. Ñucatapish llaquichircacunami. Cancunatapish llaquichingami. Ñuca rimashcata cazushpaca, cancuna rimashcatapish cazungami.

SAN JUAN 13:16

Servicca mana amota yallichu. Cachashcapish mana cachacta yallichu. Chaica chashnatacmi can.

SAN JUDAS 1:1

Jesucristopacta ruhuac, Santiagopac huauqui Judasmi, Dios cuyashpa cayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

HECHOS 20:27

Chaica, Dios huillachun nishcataca, mana pacashpami tucui huillarcani.

SAN JUAN 4:19

Shina nicpimi, chai huarmica: —Amito, canca Dios ima nishcata huillacmi yuyachingui.

SAN LUCAS 10:23

Jesús yachacuccunallata cayashpaca: —Cunan ricucushcata ricuccuna cushicuichic.

PROVERBIOS 18:24

Apanacuc runaca alli apanacuc cashcatami ricuchin. Alli apanacuccunaca quiquin huauquitapish yalli allimi.

SAN JUAN 16:12

Cancunaman imata ninata chariniracmi. Shina cacpipish, cunanca mana tucui entendinguichicchu.

ROMANOS 7:15

Ñucaca, ñuca munashcataca mana ruhuanichu, ashtahuanpish mana munashcataracmi ruhuani. Chaimantami ñuca ruhuashcacunataca mana entendini.

1 CORINTIOS 2:16

Dios quillcachishcapica: «Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?» ninmi. Shina cacpipish, ñucanchictaca Cristomi yuyaita cushpa yachachicun.